തിരുവനന്തപുരം: മംഗലപുരത്ത് കൊല്ലപ്പെട്ട ഭിന്നശേഷിക്കാരിയായ സ്ത്രീ ബലാത്സംഗത്തിനിരയായെന്ന് പോസ്റ്റ്മോര്ട്ടം റിപ്പോര്ട്ട്. തലയ്ക്കേറ്റ ക്ഷതം മരണകാരണമെന്നാണ് പോസ്റ്റ്മോര്ട്ടം റിപ്പോര്ട്ടിലുള്ളത്. ഇന്ന് രാവിലെയാണ് സ്ത്രീയെ മരിച്ച നിലയില് കണ്ടെത്തിയത്. സ്വകാര്യ ഭാഗങ്ങളില് മുറിവുള്ളതായും റിപ്പോര്ട്ട് ഉണ്ട്. മോഷണ ശ്രമത്തിനിടെയാണ് കൊലപാതകം നടന്നത്. സംഭവത്തില് പോത്തന്കോട് സ്വദേശി തൗഫീഖ് എന്നയാളെ അറസ്റ്റ് ചെയ്തിരുന്നു. പോക്സോ കേസ് ഉള്പ്പെടെ നിരവധി കേസുകളില് പ്രതിയാണ് തൗഫീഖ്.
ഇവര് തനിച്ചാണ് താമസിച്ചിരുന്നത്. പൂജയ്ക്കായി വീട്ടിനടുത്തുള്ള പറമ്പില് പൂ പറിക്കാനായി പോയ ഇവര് മടങ്ങിയെത്താത്തതിനെത്തുടര്ന്ന് ബന്ധുക്കള് നടത്തിയ തിരച്ചിലിലാണ് മൃതദേഹം കണ്ടെത്തിയത്. സഹോദരന്റെ വസ്തുവിനോട് ചേര്ന്ന പുരയിടത്തില് മരിച്ച നിലയില് കണ്ടെത്തുകയായിരുന്നു.
മരിച്ച സ്ത്രീയുടെ സഹോദരിയാണ് വീടിനടുത്തുള്ള
പുരയിടത്തില് മൃതദേഹം കണ്ടെത്തിയത്. വസ്ത്രങ്ങള് കീറിപ്പറിഞ്ഞ നിലയിലായിരുന്നു. കമ്മല് കാണാനുണ്ടായിരുന്നില്ല. സിസിടിവി കേന്ദ്രീകരിച്ച് നടത്തിയ അന്വേഷണത്തിലാണ് പ്രതിയെ കണ്ടെത്തിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
