കൊച്ചി: തൃപ്പൂണിത്തുറ പൂര്‍ണത്രയീശ ക്ഷേത്രത്തിലെ ആന എഴുന്നള്ളിപ്പ് സംബന്ധിച്ച് ദേവസ്വം ഓഫീസര്‍ നല്‍കിയ സത്യവാങ്മൂലം അംഗീകരിക്കാനാകില്ലെന്ന് ഹൈക്കോടതി. മാര്‍ഗനിര്‍ദേശങ്ങള്‍ ധിക്കരിക്കാന്‍ ആരാണ് പറഞ്ഞുതന്നെതെന്ന് ചോദിച്ച കോടതി, ഉത്തരവ് ധിക്കരിച്ച് ഭക്തര്‍ ഫയുന്നതുപോലെയാണോ ചെയ്യേണ്ടതെന്നും ചോദിച്ചു. ആനയെഴുന്നള്ളിപ്പ് കോടതിയലക്ഷ്യമാണെന്ന് ചൂണ്ടിക്കാട്ടിയ കോടതി നാലാഴ്ചയ്ക്കകം മറുപടി നല്‍കാന്‍ ദേവസ്വം ഓഫീസര്‍ ആര്‍ രഘുരാമന് നിര്‍ദേശം നല്‍കി.
ഇന്ന് കോടതിയില്‍ നേരിട്ട് ഹാജരായ ദേവസ്വം ഓഫീസര്‍ക്കെതിരെ രൂക്ഷവിമര്‍ശനമാണ് കോടതിയുടെ ഭാഗത്തുനിന്നുണ്ടായത്. താങ്കള്‍ക്ക് സാമാന്യബുദ്ധിയുണ്ടോയെന്ന് കോടതി ചോദിച്ചു. ക്ഷേത്രോത്സവത്തില്‍ ദൂരപരിധി പാലിക്കാതെ ആനകളെ എഴുന്നള്ളിച്ചത് കോടതി ഉത്തരവിന്റെ ലംഘനമാണെന്ന് ജസ്റ്റിസ് എ കെ ജയശങ്കരന്‍നമ്പ്യാര്‍, ജസ്റ്റിസ് പി ഗോപിനാഥ് എന്നിവരുള്‍പ്പെട്ട ബെഞ്ച് ചൂണ്ടിക്കാട്ടി. ഇക്കാര്യത്തില്‍ ഒറ്റയ്ക്ക് ഒരു തീരുമാനമെടുക്കാന്‍ നിങ്ങള്‍ക്ക് കഴിയില്ല. നിങ്ങളുടെ പിന്നില്‍ ആരാണ് ഉള്ളതെന്നും കോടതി ചോദിച്ചു. മഴയും ആള്‍ക്കൂട്ടവും മുന്‍ നിര്‍ത്തിയാണ് ഹൈക്കോടതി ആനയെഴുന്നള്ളിപ്പില്‍ മാര്‍ഗനിര്‍ദേശങ്ങള്‍ പുറപ്പെടുവിച്ചത്. ഇതേ കാരണങ്ങളാലാണ് ആനകളെ അടുപ്പിച്ച് നിര്‍ത്തിയത് ഇത് അംഗീകരിക്കാനാകില്ല. മറ്റൊരു സത്യവാങ്മൂലം നല്‍കാനും കോടതി നിര്‍ദേശം നല്‍കി
ക്ഷേത്രോത്സവത്തിന്റെ എഴുന്നള്ളിപ്പ് ദിനത്തില്‍ മൂന്നുമീറ്റര്‍ ദൂരപരിധി പാലിക്കാതെ 15 ആനകളെ എളുന്നള്ളിച്ചതായി കലക്ടര്‍ എന്‍ എസ് കെ ഉമേഷ് റിപ്പോര്‍ട്ട് നല്‍കിയിരുന്നു. സംഭവത്തില്‍ വനംവകുപ്പ് കേസെടുത്തിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
