കുന്നംകുളം: നിയന്ത്രണം വിട്ട കാര് കടയിലേക്ക് ഇടിച്ച് കയറി അപകടം. കുന്നംകുളം തൃശ്ശൂര് സംസ്ഥാന പാതയില് കാണിപ്പയ്യൂരില് യൂണിറ്റി ആശുപത്രി സമീപമാണ് അപകടമുണ്ടായത്. അപകടത്തില് മൂന്ന് പേര്ക്ക് പരിക്കേറ്റു.
കുന്നംകുളം ഭാഗത്ത് നിന്നും തൃശ്ശൂര് ഭാഗത്തേക്ക് പോയിരുന്ന കാര് നിയന്ത്രണം വിട്ട് റോഡരികില് പാര്ക്ക് ചെയ്തിരുന്ന ഓട്ടോറിക്ഷയിലും രണ്ട് സ്കൂട്ടറുകളും ഇടിച്ച് തെറിപ്പിച്ച് കടയിലേക്ക് ഇടിച്ച് കയറുകയായിരുന്നു. പരിക്കേറ്റവരെ കുന്നംകുളം യൂണിറ്റി ആശുപത്രിയില് പ്രവേശിപ്പിച്ചു.
അപകടത്തിന്റെ സിസിടിവി ദൃശ്യങ്ങള് പുറത്തുവന്നിട്ടുണ്ട്. പലപ്പോഴായി അപകടങ്ങള് നടന്നിട്ടുള്ള മേഖലയാണിത്. അന്പതിലധികം ജീവനുകള് പൊലിഞ്ഞ അപകട മേഖലയിലാണിതെന്നും നാട്ടുകാര് പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
