കൊച്ചി: ദേശീയ സ്‌കൂള്‍ കായിക മേളയ്ക്കുള്ള താരങ്ങളുടെ യാത്ര പ്രതിസന്ധിയില്‍. ബാഡ്മിന്റണ്‍ താരങ്ങളാണ് ഭോപ്പാലിലേക്കുള്ള ടിക്കറ്റ് ലഭിക്കാത്തതിനെ തുടര്‍ന്ന് കുടുങ്ങിയത്. ടിക്കറ്റ് നേരത്തെ ബുക്ക് ചെയ്തിരുന്നെങ്കിലും കണ്‍ഫര്‍മേഷന്‍ ലഭിക്കാത്തതിനാല്‍ യാത്ര ചെയ്യാനായില്ല. ഈ മാസം 17നാണ് മത്സരം.
സംഭവം വാര്‍ത്തയായതോടെ കുട്ടികള്‍ക്ക് വിമാനത്തില്‍ യാത്ര ഒരുക്കാമെന്നും ടിക്കറ്റിന്റെ പകുതി വഹിക്കാമെന്ന് വിദ്യാഭ്യാസ വകുപ്പ് അറിയിച്ചു. എന്നാല്‍ ഇത് പ്രായോഗികമല്ലെന്ന് കുട്ടികളുടെ രക്ഷിതാക്കള്‍ പറയുന്നത്.
കായിക മേളയിലെ ബാഡ്മിന്റണ്‍ മത്സരത്തിനു പോകാന്‍ ജൂനിയര്‍-സീനിയര്‍ വിഭാഗത്തിലുള്ള താരങ്ങള്‍ എറണാകുളം റെയില്‍വേ സ്റ്റേഷനില്‍ എത്തിയെങ്കിലും ടിക്കറ്റ് ലഭിച്ചില്ല. ടീം കോച്ച്, മാനേജര്‍ അടക്കം 23 പേരുടെ യാത്രയാണ് ടിക്കറ്റ് കണ്‍ഫേം ആകാത്തതിനെ തുടര്‍ന്ന് പ്രതിസന്ധിയിലായത്.
ഭോപ്പാലിലേക്കു പോകാനായി റെയില്‍വേ സ്റ്റേഷനില്‍ എത്തിയെങ്കിലും ഒന്നരയോടെയാണ് ഇവരുടെ ടിക്കറ്റ് കണ്‍ഫേം ആയിട്ടില്ലെന്ന വിവരം അധികൃതര്‍ അറിയിക്കുന്നത്. രണ്ട് പേരുടെ ടിക്കറ്റ് മാത്രമാണ് കണ്‍ഫേം ആയത്. എന്നാല്‍ ഇക്കാര്യം അധികൃതര്‍ താരങ്ങളെയോ രക്ഷിതാക്കളെയോ നേരത്തേ അറിയിച്ചിട്ടില്ലെന്നാണ് ആക്ഷേപം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
