റ്റിജെഎസ് ജോര്‍ജിന്റെ ഭാര്യ അമ്മു ജോര്‍ജ് അന്തരിച്ചു

ബംഗലൂരു: മുതിര്‍ന്ന മാധ്യമപ്രവര്‍ത്തകനും സമകാലിക മലയാളം എഡിറ്റോറിയല്‍ ഉപദേഷ്ടാവുമായ റ്റിജെഎസ് ജോര്‍ജിന്റെ ഭാര്യ അമ്മു ജോര്‍ജ് ( അമ്മിണി തോമസ്) അന്തരിച്ചു. 90 വയസ്സായിരുന്നു. ബംഗലൂരുവിലെ സ്വകാര്യ ആശുപത്രിയില്‍ വെച്ചായിരുന്നു അന്ത്യം.

പിറവത്തിനടുത്ത് മാമ്മലശ്ശേരി അനിത്തോട്ടം കുടുംബത്തില്‍ മാണി തോമസ്- ചിന്നമ്മ ദമ്പതികളുടെ 9 മക്കളില്‍ ആറാമത്തെയാളാണ്. ആലുവ മഹിളാലയം സ്‌കൂളിലും ചെന്നെയിലുമായിട്ടായിരുന്നു വിദ്യാഭ്യാസം.

അമിത വേ​ഗതയിലെത്തിയ കാർ ഇടിച്ചു തെറിപ്പിച്ചു; അമ്മ മരിച്ചു, മകൾ ​ഗുരുതരാവസ്ഥയിൽ

ഭര്‍ത്താവ് റ്റിജെഎസ് ജോര്‍ജുമൊത്ത് നിരവധി ലോകരാജ്യങ്ങള്‍ സന്ദര്‍ശിച്ചിട്ടുണ്ട്. ബംഗളൂരുവിലായിരുന്നു സ്ഥിരതാമസം. പ്രശസ്ത നോവലിസ്റ്റ് ജീത് തയ്യില്‍, ഷേബ എന്നിവര്‍ മക്കളാണ്. അന്ത്യാഭിലാഷം അനുസരിച്ച് മൃതദേഹം മെഡിക്കൽ പഠനത്തിന് കൈമാറും.