ലോകമെമ്പാടും ആരാധകരുള്ള ഒരു ക്ലാസിക് ഇറ്റാലിയന്‍ വിഭവമാണ് പിസ. സസ്യാഹാരിയാണെങ്കിലും നോണ്‍-വെജ് പ്രേമിയാണെങ്കിലുമൊക്കെ പിസയില്‍ ധാരാളം വെറൈറ്റികള്‍ ഉണ്ട്. എന്നാല്‍ പിസ കഴിക്കാന്‍ ഒന്നിലധികം രീതികളുണ്ടെന്ന് നിങ്ങള്‍ക്കറിയാമോ? ഏഴ് രീതിയില്‍ പിസ കഴിക്കുന്നത് കാണിച്ചുള്ള റീല്‍ ആണ് ഇന്‍സ്റ്റഗ്രാമില്‍ ശ്രദ്ധനേടുന്നത്.
എന്റെ കുടുംബാംഗങ്ങള്‍ എങ്ങനെയാണ് പിസ കഴിക്കുന്നത്? എന്ന ചോദ്യമാണ് ക്യാപ്ഷനില്‍ കൊടുത്തിരിക്കുന്നത്. വിഡിയോയിലെത്തുന്ന ആദ്യത്തെ വ്യക്തി പിസാ സ്ലൈസിന്റെ ക്രസ്റ്റ് കഴിച്ചാണ് തുടങ്ങുന്നത്. അടുത്ത ആളാകട്ടെ രണ്ട് പിസ സ്ലൈസ് ചേര്‍ത്തുവെച്ച് ഡബിള്‍ ഡെക്കര്‍ ആയാണ് കഴിക്കുന്നത്. കുറച്ചധികം എരിവുവേണം എന്നാഗ്രഹിക്കുന്നവര്‍ക്ക് മൂന്നാമത്തെ രീതി തെരഞ്ഞെടുക്കാം, സ്‌പൈസി സോസില്‍ മുക്കിയാണ് പിസ അകത്താക്കുന്നത്.
അടുത്ത ആളാകട്ടെ കുറച്ച് വിചിത്രമായാണ് പിസ കഴിക്കുന്നത്. പിസയ്ക്ക് മുകളിലുള്ള ചീസും മറ്റു ടോപ്പിങ്‌സുമെല്ലാം കളഞ്ഞശേഷമാണ് ഇയാള്‍ പിസ കഴിക്കുന്നത്. അടുത്തയാളാകട്ടെ ടാക്കോ സ്‌റ്റൈലില്‍ പിസ അകത്താക്കുകയാണ്. ആറാമത് വിഡിയോയില്‍ എത്തുന്നയാളാകട്ടെ നാല് പിസാ സ്ലൈസ് ഒന്നിച്ചുവച്ചാണ് അകത്താക്കുന്നത്. ഏഴാമതെത്തുന്ന കുട്ടി റാഞ്ച് (തൈര് കൊണ്ടുള്ള സാലഡ്) കൂട്ടിയാണ് പിസ കഴിക്കുന്നത്.
നിരവധിപ്പേരാണ് വിഡിയോയ്ക്ക് കമന്റുമായി എത്തുന്നത്. ആരും ആദ്യം ക്രസ്റ്റ് കഴിച്ച് തുടങ്ങില്ലെന്നാണ് ചിലര്‍ കമന്റില്‍ കുറിച്ചിരിക്കുന്നത്. നാല് സ്ലൈസ് ചേര്‍ത്തുവച്ച ആളെ ഉടന്‍ ജയിലിലടയ്ക്കണമെന്ന രസകരമായ കമന്റും കാണാം. എന്തുതന്നെയായാലും ടാക്കോ ഫോള്‍ഡിനാണ് കമന്റ് ബോക്‌സില്‍ കൂടുതല്‍ ആരാധകര്‍.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
