ചില ദാമ്പത്യജീവിതങ്ങള്‍ ഏവരെയും ആകര്‍ഷിക്കുന്നതാണ്. വാക്കിലും പ്രവൃത്തിയിലും തീരുമാനത്തിലുമുളള യോജിപ്പുകളാണ് ഇവരെ മറ്റുളളവരില്‍ നിന്ന് വ്യത്യസ്തരാകുന്നത്. ജോര്‍ജിയന്‍ സ്വദേശിയായ ഹെര്‍ബെര്‍ട്ടിന്റെയും മേരിലിന്റേയും പ്രണയകഥ അത്തരത്തിലൊന്നാണ്.
71 വര്‍ഷമാണ് ഇരുവരും ഒരുമിച്ച് ജീവിച്ചത്. ഒടുവില്‍ മരണത്തിലും ഇവര്‍ ഒന്നായി.ജൂലൈ 12 നാണ് ഹെര്‍ബര്‍ട്ടും (94) ഭാര്യ മേരിലിനും (88) മണിക്കൂറുകളുടെ വ്യത്യാസത്തില്‍ മരിച്ചത്. പുലര്‍ച്ചെ 2.20 ന് ഭര്‍ത്താവും അതേ ദിവസം ഉച്ചയ്ക്ക് 2.20 ന് ഭാര്യയും മരിച്ചു. യുഎസ് ആര്‍മിയിലെ റിട്ടയേര്‍ഡ് മാസ്റ്റര്‍ സെര്‍ജന്റായിരുന്ന ഹെര്‍ബര്‍ട്ട്. സ്വന്തമായി നഴ്‌സറി നടത്തിവരികയായിരുന്നു ഭാര്യ മേരിലിന്. ഇവര്‍ക്ക് ആറു മക്കളും 16 പേരക്കുട്ടികളും ഉണ്ട്.
പരസ്പരമുള്ള സ്‌നേഹവും വിശ്വാസവുമാണ് തങ്ങളുടെ ദാമ്പത്യജീവിത രഹസ്യമെന്ന് 70-ാം വിവാഹ വാര്‍ഷിക ദിവസം ഹെര്‍ബര്‍ട്ട് വെളിപ്പെടുത്തിയിരുന്നു. ഹെര്‍ബര്‍ട്ടിന് 22 വയസ്സും, മേരിലിന് 16 വയസ്സും ഉളളപ്പോഴാണ് ഇവര്‍ വിവാഹിതരായത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
