ഫാഷൻ ലോകത്തെ വീണ്ടും ഞെട്ടിച്ച് ബലെൻസിയാഗ എന്ന കമ്പനി. കമ്പനി ഇറക്കിയ പുതിയ ബ്രേയ്സ്‌ലെറ്റ് ആണ് ഇപ്പോൾ സോഷ്യൽമീഡിയയിൽ ചൂട് ചർച്ചയാകുന്നത്. ടേപ്പിന്റെ മോഡലിലാണ് ബ്രേയ്സ്‌ലെറ്റ് കമ്പനി ഡിസൈൻ ചെയ്തിരിക്കുന്നു. ബ്രേസ്‍ലെറ്റിൽ നിറയെ ബ്രാൻഡ് നെയിമും എഴുതിയിരിക്കുന്നത് കാണാം. എന്നാൽ ഇതിന്റെ വിലയാണ് അമ്പരപ്പിക്കുന്നത്, മൂന്ന് ലക്ഷം രൂപ!
കമ്പനി ബ്രേയ്സ്ലെറ്റിന്റെ വില ഇതുവരെ ഔദ്യോഗികമായി പുറത്തുവിട്ടില്ലെങ്കിലും ഫാഷൻ ഇൻഫ്ലുവൻസർമാർ പറയുന്നത് ഇതിന്റെ വില $4000 (3,33,392.40 ഇന്ത്യൻ രൂപ) ആണെന്നാണ്. ബ്രേയ്സ്ലെറ്റിന്റെ ചിത്രങ്ങൾ പുറത്തുവന്നതോടെ സോഷ്യൽമീഡിയയിലും നിരവധി ട്രോളുകളും പ്രത്യേക്ഷപ്പെട്ടു.
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍
എന്നാൽ ആദ്യമായല്ല ഫാഷൻ ട്രെൻഡുകൾ സൃഷ്ടിച്ച് ബലെൻസിയാഗ വിവാദത്തിൽ പെടുന്നത്. നേരത്തെ ലെയ്സ് പാക്കറ്റിന്റെ മോഡലിൽ ബ്രാൻഡ് ബാഗ് നിർമ്മിച്ചിരുന്നു. കണ്ടാൽ ശരിക്കും ലെയ്സ് പാക്കറ്റ് പോലെ തന്നെയിരിക്കുന്ന ഈ ലെതർ ബാഗിന് വില 1.40 ലക്ഷം ആയിരുന്നു. അതുപോലെ, ഗാർബേജ് ബാഗിന്റെ മോഡലിലും കമ്പനി ബാഗ് പുറത്തിറക്കിയിരുന്നു. അതിന്റെ വില 1.4 ലക്ഷം ആയിരുന്നു.
അതുകൊണ്ടും തീർന്നില്ല, ഷൂ ലേസിന്റെ ആകൃതിയിലുള്ള കമ്മലുകളും ബലെൻസിയാഗ പുറത്തിറക്കി. 20,000 രൂപയായിരുന്നു ആ കമ്മലുകളുടെ വില.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
