ശാസ്ത്രലോകത്തെ പോലും അത്ഭുതപ്പെടുത്തിക്കൊണ്ട് ഇണചേരാതെ സ്വയം ഗർഭിണിയായി ഒരു പെൺമുതല. കോസ്റ്റാറിക്കയിലെ മൃഗശാലയിലാണ് അപൂർവ്വ സംഭവം. ഭ്രൂണത്തിന് അമ്മ മുതലയുമായി 99.9 ശതമാനം ജനിതക സാമ്യം ഉണ്ടെന്ന് പരിശോധനയിൽ കണ്ടെത്തി.
18 വയസ് പ്രായമുള്ള പെൺ മുതലയാണ് ആൺ മുതലകളുമായി ഇണ ചേരാതെ പ്രത്യുൽപ്പാദനം നടത്തിയത്. രണ്ട് വയസ്സുള്ളപ്പോഴാണ് ഈ അമേരിക്കൻ മുതലയെ കോസ്റ്റാറിക്കയിലെ മൃഗശാലയിലെത്തിച്ചത്. കൂടുതൽ സമയവും മറ്റ് മുതലകൾക്കൊപ്പമല്ലാതെ ഒറ്റയ്ക്കാണ് ഇത് വളർന്നത്. 14 മുട്ടകളിട്ടതിൽ ഒരെണ്ണം പൂർണ വളർച്ച പ്രാപിച്ചെങ്കിലും ജീവനോടെ ലഭിച്ചില്ല.
ഇണ ചേരാതെ തന്നെ കുഞ്ഞുങ്ങളെ ഉത്പാദിപ്പിക്കുന്നതിനു കഴിവ് ചില ജീവികൾക്കുണ്ട്. സ്രാവ്, പക്ഷികൾ, പാമ്പുകൾ, പല്ലി എന്നിവയിൽ ഈ പ്രതിഭാസം കാണാറുണ്ട്, അത് സാധാരണവുമാണ്. എന്നാൽ ഇതുവരെ മുതലകളിൽ ഇങ്ങനെയൊരു സംഭവം ഉണ്ടായതായി രേഖകളൊന്നുമില്ലെന്ന് ഭ്രൂണം പരിശോധിച്ച ഡോ. വാറൻ ബൂത്ത് പറഞ്ഞത്.
ഇണ ചേരാതെ കുഞ്ഞുങ്ങളെ ഉത്പാദിപ്പിക്കുന്ന പ്രതിഭാസത്തെ ഫാക്കൽറ്റേറ്റീവ് പാർത്തോനോജെനസിസ് എന്നാണ് വിശേഷിപ്പിക്കുന്നത്. ഡിഎൻഎ പരിശോധനയിൽ നിന്നാണ് ഇണ ചേരാതെ തന്നെയാണ് കുഞ്ഞ് പിറന്നതെന്ന് കണ്ടെത്തിയത്. ബയോളജി ലെറ്റേഴ്‌സ് എന്ന ജേണലിൽ ഇതു സംബന്ധിച്ച പഠനം പ്രസിദ്ധീകരിച്ചിട്ടുണ്ട്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
