വട്ടപ്പൊട്ട് വേണോ ​ഗോപിപ്പൊട്ട് വേണോ? മുഖമറിഞ്ഞ് തൊടാം  

ആഭരണങ്ങൾ എന്നപോലെ പൊട്ട് ഇഷ്ടമുള്ളവരും ഏറെയാണ്. പല നിറത്തിലും ആകൃതിയിലുമുള്ള പൊട്ടുകൾ ഇപ്പോൾ വവിപണിയിൽ ലഭിക്കും. പക്ഷെ എല്ലാ പൊട്ടും എല്ലാവർക്കും ചേരണമെന്ന് നിർബന്ധമില്ല. മുഖത്തിന്റെ ആകൃതിക്കനുസരിച്ചുവേണം പൊട്ടും തെരഞ്ഞെടുക്കാൻ. 

►വട്ടമുഖം ഉള്ളവർക്ക് നീളത്തിൽ ഉള്ള പൊട്ടുകൾ ആണ് നല്ലത്. നല്ല നീളൻ പൊട്ടുകൾ ഉപയോ​ഗിക്കുമ്പോൾ മുഖത്തിന് ഒതുക്കം തോന്നാണ് നല്ല ഷെയിപ്പ് സമ്മാനിക്കാനും ഇത് സഹായിക്കും. വട്ടമുഖമുട്ടവർ വലുപ്പമുള്ള വട്ടപ്പൊട്ടുകൾ തൊട്ടാൽ മുഖം കൂടുതൽ ഉരുണ്ടതായി തോന്നും. 

►ഹൃദയാകൃതിയിൽ മുഖമുള്ളവർ വലിയ പൊട്ടുകൾ ഒഴിവാക്കുന്നതാണ് നല്ലത്. ഇവർക്ക് വലിയ നെറ്റിയും താടി പരന്നതും ആയിരിക്കും. അതുകൊണ്ട് നെറ്റിയുടെ വലുപ്പം എടുത്തുകാണിക്കാതിരിക്കാൻ ചെറിയ പരന്ന വട്ടപ്പൊട്ടുകളായിരിക്കും നല്ലത്. 

►ഡയമണ്ട് ആകൃതിയിൽ മുഖമുള്ളവർക്ക് സിപിംൾ ഡിസൈനുകൾ തെരഞ്ഞെടുക്കുന്നതാണ് നല്ലത്. അമിതമായി ഡിസൈൻ ഉള്ള പൊട്ടുകൾ ഇക്കൂട്ടർ ഉപയോഗിക്കാതിരിക്കുക. 

‌►ഓവൽ ഷേയ്പ്പുകാർക്ക് ഏത് തരം പൊട്ടും ചേരും. ഇവരുടെ നെറ്റിയും താടിയുമെല്ലാം കൃത്യമായ അനുപാതത്തിലായിരിക്കും. അതുകൊണ്ടാണ് ഏത് ആകൃതിയിലുള്ള പൊട്ടും ഇവർക്ക് ചേരുമെന്ന് പറയുന്നത്. 

►സ്‌ക്വയർ ഷേയ്പ്പിലുള്ള മുഖം ഉള്ളവർക്ക് വട്ടത്തിലും ചന്ദ്രാകൃതിയിലുമുള്ള പൊട്ടുകളാണ് നല്ലത്. ഇവരുടെ നെറ്റിയും താടിയും ഒരേ വലിപ്പത്തിൽ ആയിരിക്കും. മുഖത്തിന്റെ ഷെയിപ്പ് വളരെ വ്യക്തമാണെന്നതുകൊണ്ട് ഇതിനെ ഒതുക്കമുള്ളതാക്കാൻ സഹായിക്കുന്ന പൊട്ടാണ് ചേരുക. 

ഈ വാർത്ത കൂടി വായിക്കൂ

മാതളനാരങ്ങ പൊളിക്കാന്‍ എളുപ്പമാണ്!, ഇതാ ഒരു സിംപിള്‍ വഴി; വിഡിയോ 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ