കൃഷ്ണമൃഗത്തെ വിഴുങ്ങി കൂറ്റന്‍ പെരുമ്പാമ്പ്, നാട്ടുകാരുടെ ഇടപെടല്‍; ഒടുവില്‍- വിഡിയോ

പാമ്പുമായി ബന്ധപ്പെട്ട് നിരവധി വിഡിയോകളാണ് ഓരോ ദിവസവും പുറത്തുവരുന്നത്. ചിലത് കൗതുകം ജനിപ്പിക്കുമ്പോള്‍ മറ്റു പലതും ഭയം ഉളവാക്കുന്നതാണ്. ഇപ്പോള്‍ നാട്ടുകാര്‍ പിടികൂടിയ പെരുമ്പാമ്പ് വിഴുങ്ങിയ കൃഷ്ണമൃഗത്തെ വായിലൂടെ പുറന്തള്ളുന്ന ദൃശ്യങ്ങളാണ് വൈറലാകുന്നത്.

പര്‍വീണ്‍ കാസ്വാന്‍ ആണ് എക്‌സില്‍ വിഡിയോ പങ്കുവെച്ചത്. കൃഷ്ണമൃഗത്തെ പൂര്‍ണമായി വിഴുങ്ങിയ നിലയില്‍ പെരുമ്പാമ്പ് കിടക്കുന്നതാണ് ദൃശ്യങ്ങളുടെ തുടക്കം. തുടര്‍ന്ന് നാട്ടുകാര്‍ കൃഷ്ണമൃഗത്തിന്‍റെ രക്ഷയ്ക്ക് എത്തുകയായിരുന്നു. നാട്ടുകാര്‍ ചേര്‍ന്ന് വാലില്‍ പിടിച്ച് തുടര്‍ച്ചയായി പാമ്പിനെ കുലുക്കി.

ബസിൽ മോശമായി പെരുമാറി; കണ്ടക്ടറെ ചെരിപ്പൂരി അടിച്ച് പെൺകുട്ടികൾ; വീഡിയോ

ശക്തമായി കുലുക്കിയതോടെ, പാമ്പ് വിഴുങ്ങിയ കൃഷ്ണമൃഗത്തെ വായിലൂടെ പുറന്തള്ളുന്നതാണ് വിഡിയോയുടെ അവസാനം. നാട്ടുകാരുടെ ഇടപെടല്‍ ശരിയാണെന്ന് തോന്നുന്നുണ്ടോ എന്ന തരത്തില്‍ ചോദ്യം ഉന്നയിച്ച് കൊണ്ടാണ് വിഡിയോ പങ്കുവെച്ചിരിക്കുന്നത്.