'ആള്‍ക്കൂട്ടത്തില്‍ പോരാളിയാകണം'; മൂര്‍ഖന്‍ പാമ്പിനെ ചുംബിച്ച് യുവാവ്, ഒടുവില്‍- വീഡിയോ

പാമ്പുമായി ബന്ധപ്പെട്ട നിരവധി വീഡിയോകളാണ് ഓരോ ദിവസവും പുറത്തുവരുന്നത്. ചിലത് കൗതുകം ജനിപ്പിക്കുമ്പോള്‍ മറ്റു പലതും ഭയം ഉളവാക്കുന്നതാണ്. ഇപ്പോള്‍ മൂര്‍ഖന്‍ പാമ്പിനെ ചുംബിക്കാന്‍ ശ്രമിച്ച യുവാവിന് സംഭവിച്ചതാണ് വൈറലാകുന്നത്.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

എക്‌സിലാണ് വീഡിയോ പങ്കുവെച്ചിരിക്കുന്നത്. എവിടെയാണ് സംഭവം നടന്നത് എന്ന് വ്യക്തമല്ല. ചുറ്റിലും കൂടിയിരിക്കുന്ന ആളുകള്‍ക്ക് മുന്‍പിലാണ് യുവാവ് അതിസാഹസികത കാണിച്ചത്. പാമ്പിനെ ഭയമില്ലെന്നും ധൈര്യശാലിയാണെന്നും തെളിയിക്കാന്‍ വേണ്ടിയാണ് മൂര്‍ഖന്‍ പാമ്പിനെ കൈയില്‍ എടുത്ത് യുവാവ് ചുംബിക്കാന്‍ ശ്രമിച്ചത്.

എന്നാല്‍ ചുംബിച്ച് നിമിഷങ്ങള്‍ക്കകം യുവാവിന്റെ ചുണ്ടില്‍ കൊത്തിയാണ് പാമ്പ് പ്രതികരിച്ചത്. യുവാവിന് എന്തുസംഭവിച്ചു എന്ന തരത്തില്‍ നിരവധി കമന്റുകളാണ് വീഡിയോയ്ക്ക് താഴെ പ്രത്യക്ഷപ്പെടുന്നത്.