വടക്കൻ ഗ്വാട്ടിമലയിലെ മഴക്കാടുകൾക്ക് താഴെ ഒരു വലിയ മായൻ പട്ടണത്തിന്റെ അവശിഷ്ടങ്ങൾ കണ്ടെത്തി ഗവേഷകർ. മെക്‌സിക്കൻ അതിർത്തിയോട് ചേർന്ന് 650 ചതുരശ്ര മൈൽ വിസ്തൃതിയുള്ള ഈ പ്രദേശം മിറാഡോർ-കാലക്മുൾ കാർസ്റ്റ് ബേസിൻ എന്നാണ് അറിയപ്പെടുന്നത്. മായൻ ശൈലിയിലുള്ള വാസ്തുവിദ്യയുടെ സവിശേഷതകൾ ഇവിടെ ദൃശ്യമാണ്.
2000 വർഷങ്ങൾക്ക് മുമ്പുണ്ടായിരുന്ന ഈ നഗരം 110മൈൽ കോസ് വേകളാൽ ബന്ധിപ്പിച്ച ഏകദേശം 1000 ജനവാസ കേന്ദ്രങ്ങളാൽ നിർമ്മിതമായിരിക്കുമെന്നാണ് പുരാവസ്തു ഗവേഷകർ കണക്കാക്കുന്നത്. അമേരിക്കൻ സർവകലാശാലകളിൽ നിന്നുള്ള നിരവധി ഗവേഷകരും ഫ്രാൻസ്, ഗ്വാട്ടിമല എന്നിവിടങ്ങളിൽ നിന്നുള്ള വിദഗ്ധരും ചേർന്ന് ലൈറ്റ് ഡിറ്റക്ഷനും റേഞ്ചിംഗും (L-iDAR) ഉപയോഗിച്ചാണ് ഈ കണ്ടെത്തൽ നടത്തിയത്. LiDAR-ന് മഴക്കാടുകളിൽ തുളച്ചുകയറാനും അവയ്ക്ക് താഴെയുള്ളത് വെളിപ്പെടുത്താനും കഴിയുമെന്നതിനാലാണ് ഗവേഷകർ ഈ രീതി ഉപയോഗിച്ചത്.
ജോലി, വിനോദം, രാഷ്ട്രീയം എന്നിവയുടെ കേന്ദ്രങ്ങളായി പ്രവർത്തിച്ചിരിക്കാൻ സാധ്യതയുള്ള ചില വലിയ പ്ലാറ്റ്‌ഫോമുകളുടെയും പിരമിഡുകളുടെയും തെളിവുകളും ഗവേഷകർ കണ്ടെത്തി. ഇവിടെ മാത്രം പ്രചാരമുണ്ടായിരുന്ന ചില കായിക വിനോദങ്ങൾക്കായി ഉപയോഗിച്ചിരുന്ന ബോൾ കോർട്ടുകളും കണ്ടെത്തലിൽ ഉൾപ്പെടുന്നു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
