'കൈച്ചിലാവോന്ന് നമുക്കറിയൂല്ല, പക്ഷേ പ്ലാനിംഗ് ഡെയ്‌ലി നടക്കുന്നുണ്ട്'; സോഷ്യൽമീഡിയയിൽ തരം​ഗമായി ഇസാൻ, വൈറൽ വിഡിയോ

പുതുവത്സരം വരുന്നതോടെ ന്യൂഇയർ റെസല്യൂഷനുകൾ തട്ടി നടക്കാൻ കഴിയാത്ത അവസ്ഥയാണ്. അതിനിടെയാണ് ജീവിതത്തിന്റെ പ്ലാസിങ്ങിനെ കുറിച്ച് പറഞ്ഞ് സോഷ്യൽമീഡിയ മുഴുവനോടെ ഏറ്റെടുത്ത് രണ്ട് കുട്ടിത്താരങ്ങൾ തരം​ഗമാകുന്നത്. ഇസാൻ മുഹമ്മദ് എന്ന ഇൻസ്റ്റ​ഗ്രാമിലെ കുട്ടിത്താരമാണ് വിഡിയോയ്‌ക്ക് പിന്നിൽ.

ജീവിതത്തിൽ രക്ഷപ്പെടാനുള്ള പ്ലാനിങ്ങിനെ കുറിച്ച് സുഹൃത്തിനൊപ്പം നടത്തിയ നിരീക്ഷണമാണ് ഇസാനെ വൈറലാക്കിയത്. ജീവിതത്തിൽ കൈച്ചിലാവാനുള്ള പ്ലാനിംഗിലാണ്, കൈച്ചിലാവോന്ന് നമുക്കറിയൂല്ല, പക്ഷേ പ്ലാനിംഗ് ഡെയ്ലി നടക്കുന്നുണ്ട്'- ഇസാന്റെ ഈ ഡയലോ​ഗ് എന്തായാലും സൂപ്പർഹിറ്റ് ആയി. ചലച്ചിത്ര താരങ്ങൾ ഉൾപ്പെടെ നിരവധി പ്രമുഖരാണ് ഇസാന്റെ ഈ ശൈലി ഏറ്റെടുത്തത്.

നടി സുരഭി ലക്ഷ്മി, ​ഗായിക സിത്താര കൃഷ്‌ണകുമാർ, സംവിധായകനും തിരക്കഥാകൃത്തുമായി മുഹ്‌സിൻ പെരാരി, ഫുട്‌ബോൾ താരം സികെ വിനീത് എന്നിവരാണ് വിഡിയോയ്‌ക്ക് കമന്റ് ചെയ്‌തവരിൽ ചിലർ. കുസൃതിയും മോട്ടിവേഷനും നിറഞ്ഞ ഇസാന്റെ വിഡിയോകൾക്ക് ആരാധകർ ഏറെയാണ്.

ഈ വാര്‍ത്ത കൂടി വായിക്കൂ 

ഭർത്താവിനോട് അടുപ്പം, നിർത്താതെ സംസാരം; സ്മാർട്ട് ഹോം ഉപകരണം അലക്‌സയെ വലിച്ചെറിഞ്ഞ് യുവതി

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ