കറിയുണ്ടാക്കുമ്പോള്‍ എണ്ണയുടെ അളവ് കൂടിപ്പോയി അബദ്ധം സംഭവിക്കാത്തവര്‍ ചുരുക്കമായിരിക്കും. കറി ഉപേക്ഷിക്കാനുള്ള മടിമൂലം ആരോഗ്യത്തിന് നല്ലതല്ലെന്ന് അറിയാമെങ്കിലും അത് മുഴുവന്‍ അകത്താക്കാറാണ് പതിവ്. എന്നാല്‍ ട്വിറ്ററില്‍ വൈറലാകുന്ന ഒരു പുതിയ വിഡിയോയില്‍ ഈ കയ്യബദ്ധം പരിഹരിക്കാനുള്ള ഒരു കിടിലന്‍ വഴി പരിചയപ്പെടുത്തുകയാണ്. ഫ്രിഡ്ജില്‍ ഐസ് റെഡിയാണെങ്കില്‍ സംഗതി ഇപ്പോതന്നെ പരിഹരിക്കാം.
വെറും 18 സെക്കന്‍ഡ് മാത്രം ദൈര്‍ഘ്യമുള്ള വിഡിയോയില്‍ എണ്ണ തളംകെട്ടി നില്‍ക്കുന്ന പാത്രത്തിലേക്ക് ഒരു വലിയ കഷ്ണം ഐസ് മുക്കിപൊക്കുകയാണ്. കറി ചൂടായിക്കൊണ്ടിരിക്കുമ്പോള്‍ തന്നെ ഇത്തരത്തില്‍ എണ്ണ വേര്‍തിരിക്കാന്‍ കഴിയും. ഐസ് മുക്കുമ്പോള്‍ അതിലേക്ക് പറ്റിപ്പിടിക്കുന്ന എണ്ണ പാത്രത്തില്‍ നിന്ന് പുറത്തേക്കെടുത്ത് മാറ്റാം. സംഭവം വൈറലായതോടെ കിടിലന്‍ ഐഡിയയ്ക്ക് നന്ദിപറഞ്ഞ് നിരവധി പേരാണ് വിഡിയോ പങ്കുവയ്ക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
