ഭർത്താവിനോട് അടുപ്പം, നിർത്താതെ സംസാരം; സ്മാർട്ട് ഹോം ഉപകരണം അലക്‌സയെ വലിച്ചെറിഞ്ഞ് യുവതി

ഭർത്താവുമായി രാത്രി വൈകിയും വിചിത്രമായി സംസാരിക്കുന്നുവെന്ന് ആരോപിച്ച് സ്മാർ‌ട്ട് ഹോം ഉപകരണമായ ആമസോൺ അലക്‌സയെ വീട്ടിൽ നിന്നും വലിച്ചെറിഞ്ഞ് യുവതി. അമേരിക്കൻ ടിക്‌ടോക്കറായ ജെസ് ആണ് ശല്യം സഹിക്കാൻ വയ്യാതെ അലക്സയെ പുറത്താക്കിയത്. ബാഹ്യമായ ഇടപെടൽ ഇല്ലെങ്കിലും അലക്‌സ പ്രവർത്തിച്ചിരുന്നു. നിർത്താതെയുള്ള സംസാരം സഹിക്കാൻ കഴിയില്ലായിരുന്നുവെന്നും ജെസ് ടിക്‌ടോക്കിൽ പങ്കുവെച്ച വിഡിയോയിൽ പറഞ്ഞു.

ഒരിക്കൽ രാത്രി വിഡിയോ ​ഗെയിം കളിക്കുകയായിരുന്ന തന്റെ ഭർത്താവിനോട് അലക്‌സ നിർത്താതെ സംസാരിച്ചെന്നും. അത് വളരെ വിചിത്രമായി തോന്നിയെന്നും ജെസ് പറഞ്ഞു. ഇത് ഒരു തവണയല്ല, താൻ പുറത്തു പോകുമ്പോൾ ഇത്തരത്തിൽ ഭർത്താവുമായി അലക്സ വിചിത്ര സംഭാഷണങ്ങൾ നടത്താറുണെന്നും ജെസ് ആരോപിച്ചു. അലക്സ കാരണം തങ്ങളുടെ സ്വകാര്യത  നഷ്ടപ്പെടുന്നതായി മനസിലായതോടെയാണ് ഉപകരണത്തെ വീട്ടിൽ നിന്നും മാറ്റാൻ തീരുമാനിച്ചതെന്നും ജെസ് പറഞ്ഞു.

'ഇപ്പോള്‍ അലക്‌സ ഔദ്യോഗികമായി പുറത്താക്കപ്പെട്ടിരിക്കുകയാണ്. ഇപ്പോൾ വളരെ സമാധാനമുണ്ട്'- ജെസ് പറഞ്ഞു. നിരവധി ആളുകളാണ് വിഡിയോയ്‌ക്ക് താഴെ കമന്റുകളുമായി എത്തിയത്. സമാനമായ അനുഭവം ഉണ്ടായിട്ടുണ്ടെന്ന് പലർക്കും പ്രതികരിച്ചു. 

ഈ വാര്‍ത്ത കൂടി വായിക്കൂ 

ചെവിക്കുള്ളിൽ അസഹനീയമായ വേദന, ചെറിയ ഞരക്കം; പരിശോധിച്ചപ്പോൾ ചിലന്തി കൂടുകെട്ടി സുഖവാസം

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ