മയിലിനെ എടുത്തെറിഞ്ഞ് മുട്ടകൾ വാരിയെടുത്ത് യുവതി; പിന്നാലെ സംഭവിച്ചത്! (വീഡിയോ)

മറ്റ് ജീവികളോടുള്ള മനുഷ്യന്റെ സമീപനം പല തരത്തിലാണ്. ചിലർ സ്നേഹിക്കുമ്പോൾ മറ്റു ചിലർ വളരെ ക്രൂരമായാണ് പക്ഷികളോടും മൃ​ഗങ്ങളോടും പെരുമാറാറുള്ളത്. അത്തരമൊരു ദൃശ്യമാണ് ഇപ്പോൾ സാമൂഹിക മാധ്യമങ്ങളിൽ നിറയുന്നത്. മയിലിന്റെ മുട്ടകളെടുക്കാൻ ശ്രമിക്കുന്ന യുവതിയുടെ ദൃശ്യങ്ങളാണ് പുറത്തു വന്നത്. 

മുട്ടകൾ എടുക്കാൻ വന്ന യുവതി സമീപമിരുന്ന മയിലിനെ എടുത്തെറിയുന്നത് വീഡിയോയിൽ കാണാം. ശേഷം യുവതി മുട്ടകൾ വാരിയെടുക്കാൻ ശ്രമിക്കുന്നു. പിന്നാലെ മയിൽ പറന്നെത്തി യുവതിയെ വാശിയോടെ ആക്രമിക്കുകയായിരുന്നു. യുവതിയുടെ കൈയിലിരുന്ന മുട്ടകളെല്ലാം തെറിച്ച് താഴേക്കു വീഴുന്നതും ദൃശ്യത്തിൽ കാണാം. കർമഫലം എന്നാണ് യുവതിയുടെ പ്രവ‍‍ൃത്തിയെ വീഡിയോ കണ്ടവർ വിശേഷിപ്പിച്ചത്.

മനുഷ്യരുടെ ക്രൂരതകൾക്ക് മറ്റൊരു ഉദാഹരണമാണിതെന്ന് കാഴ്ചക്കാർ അഭിപ്രായപ്പെട്ടു. മുട്ടകൾ മോഷ്ടിക്കാനെത്തിയ യുവതിയെ മയിൽ ഒരു പാഠം പഠിപ്പിച്ചു എന്നാണ് കാഴ്ചക്കാരുടെ പക്ഷം. ലക്ഷക്കണക്കിനാളുകൾ ദൃശ്യം കണ്ടുകഴിഞ്ഞു.

ഈ വാർത്ത കൂടി വായിക്കാം 

മരത്തിന്റെ മുകളിലും രക്ഷയില്ല!, കുരങ്ങനെ വേട്ടയാടി പുലി; മധ്യപ്രദേശില്‍ നിന്നുള്ള ദൃശ്യം

സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ