മഹാമാരിയുടെ കാലത്ത് അത്യപൂര്‍വവും അവിശ്വസനീയവുമായ കാഴ്ചയ്ക്കാണ് ഇപ്പോള്‍ കിഴക്കന്‍ ആഫ്രിക്കന്‍ രാജ്യമായ ടാന്‍സാനിയ സാക്ഷ്യം വഹിക്കുന്നത്. അനാഥനായി പോയ ഒരു പുള്ളിപ്പുലിക്കുഞ്ഞിന് രക്ഷകയായി നില്‍ക്കുന്നത് ഒരു പെണ്‍ സിംഹമാണ്. കഴിഞ്ഞ മൂന്ന് ആഴ്ചയായി പുലിക്കുഞ്ഞിനെ മുലയൂട്ടുന്നതും വളര്‍ത്തമ്മയായ ഈ സിംഹമാണ്. മഹാമാരി കാലത്ത് പ്രകൃതി അനുകമ്പയുടെ ഏറ്റവും മനോഹരമായ കാഴ്ച കൂടി ഒരുക്കുകയാണ്.
മാതൃത്വം എന്ന മഹത്വത്തിന്റെ മറ്റൊരു ഉദാഹരമാണ് ഈ കാഴ്ചകള്‍. ഐഎഫ്എസ് ഉദ്യോഗസ്ഥനായ സുശാന്ത നന്ദയാണ് സിംഹം പുലിക്കുഞ്ഞിന് മുലയൂട്ടുന്നതിന്റെ ചിത്രങ്ങള്‍ പങ്കിട്ടത്. കാട്ടില്‍ വസിക്കുന്ന മാര്‍ജാര വംശത്തില്‍പ്പെട്ട ഇത്തരം ജീവികള്‍ക്കിടയില്‍ ഇങ്ങനെ സംഭവിക്കുന്ന അപൂര്‍വമാണെന്ന് അദ്ദേഹം ഫോട്ടോ പങ്കിട്ടുള്ള കുറിപ്പില്‍ പറയുന്നു.
മഹാമാരിയുടെ കാലത്ത് ഒരുപക്ഷേ പ്രകൃതി മനസിലാക്കാന്‍ സാധിക്കാത്തവിധം അനുകമ്പയുള്ളതായി തീരുന്നു. ടാന്‍സാനിയയില്‍ മൂന്ന് ആഴ്ച മുന്‍പ് അനാഥനായ ഈ പുള്ളിപ്പുലി കുഞ്ഞിനെ സിംഹം മുലയൂട്ടുന്ന അവിശ്വസനീയ ചിത്രം. ഇത്തരം ജീവികള്‍ക്കിടയില്‍ ഇങ്ങനെ സംഭവിക്കുന്നത് അപൂര്‍വമാണ്- സുശാന്ത കുറിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
