എട്ടടിയോളം നീളമുള്ള രാജവെമ്പാല, അഞ്ച് നായകള്‍; എന്ത് സംഭവിക്കും? വീഡിയോ കണ്ടു നോക്കൂ

ലോകത്തിലെ ഏറ്റവും വിഷമുള്ള പാമ്പുകളില്‍ ഒന്നായ രാജവെമ്പാലയെ കൈകാര്യം ചെയ്യുന്നതിന് ചില്ലറ മിടുക്കു പോര. നമ്മുടെ വാവ സുരേഷ് പോലും ഇത് ഇടയ്ക്കിടയ്ക്ക് പറയുന്നത് കേള്‍ക്കാം. രാജവെമ്പാല ചില്ലറക്കാരനല്ലെന്ന്.

എട്ടടിയോളം വരുന്ന ഒരു രാജവെമ്പാലയും അഞ്ചു നായകളും കണ്ടുമുട്ടിയാല്‍ എന്ത് സംഭവിക്കും. ആളു കൂടിയാല്‍ പാമ്പ് ചാവില്ലെന്ന് പറയുന്നത് മനുഷ്യരുടെ കാര്യത്തിലാകും. നായകളുടെ കാര്യത്തില്‍ അതല്ല. പാമ്പുകളിലെ രാജാവിനെ കീഴ്‌പ്പെടുത്താന്‍ ഇവര്‍ കാണിക്കുന്ന തന്ത്രമാണ് ഏറ്റവും രസകരം. അഞ്ചുപേരും ഒരുമിച്ച് കടിക്കാതെ വട്ടം ചേര്‍ന്ന് കീഴ്‌പ്പെടുത്തുന്നത് വീഡിയോയില്‍ കാണാം. 

നായകളില്‍ നിന്നും രക്ഷപ്പെടാന്‍ കിണഞ്ഞു ശ്രമിക്കുന്നുണ്ടെങ്കിലും വട്ടം കൂടി നില്‍ക്കുന്നതിനിടയിലൂടെ രാജവെമ്പാലക്ക് പുറത്തേക്ക് കടക്കാന്‍ പറ്റുന്നില്ല. എന്തായാലും അവസാനം നായകള്‍ പാമ്പിനെ കീഴ്‌പ്പെടുത്തി.