ഒരു ചില്ല് പൊട്ടിക്കാന്‍ സൂചി തന്നെ ധാരാളം; ഈ സന്യാസിയുടെ പ്രകടനം ആരെയും അത്ഭുതപ്പെടുത്തും

കട്ടിയുള്ള ഒരു ഗ്ലാസ് പൊട്ടിക്കാന്‍ കുഞ്ഞ് സൂചി മതിയാകുമോ? നമുക്കെന്തായാലും പറ്റില്ല. എന്നാല്‍ ഷൗലിന്‍ സന്യാസിമാര്‍ക്ക് ഗ്ലാസ് പൊട്ടിക്കാന്‍ സൂചി തന്നെ ധാരാളം. ദി സ്ലോ മോ ഗയ്‌സ് എന്ന പരിപാടിയിലാണ് സന്യാസിമാര്‍ അവിശ്വസനീയമായ കഴിവ് പുറത്തെടുത്തത്. 72 ഷൗലിന്‍ സീക്രട്ട് ആര്‍ട്ടുകളില്‍ ഒന്നാണ് ഇത്. 10 ല്‍ ആധികം വര്‍ഷത്തെ കഠിന പ്രയത്‌നത്തിലൂടെയാണ് ഇത് ചെയ്യാനാവുന്നത്. 

മൂന്ന് ഷൗലിന്‍ സന്യാസിമാരാണ് പരിപാടിയില്‍ എത്തിയത്. സൂചി എറിഞ്ഞ് ഗ്ലാസ് പൊട്ടിക്കുന്നതിന്റെ ദൃശൃങ്ങള്‍ പകര്‍ത്തി അവര്‍ എങ്ങനെയാണ് ഇത് ചെയ്തതെന്ന് സ്ലോ മോഷനിലൂടെ ദി സ്ലോ മോ ഗയ്‌സ് കാണിച്ചു തന്നു. സന്യാസിമാരുടെ പ്രകടനം വലിയ പ്രേക്ഷകസ്വീകാര്യതയാണ് നേടിയത്. പരിപാടിയുടെ വീഡിയോ പോസ്റ്റ് ചെയ്ത് രണ്ട് ദിവസം കൊണ്ട് 20 ലക്ഷത്തില്‍ അധികം ആളുകളാണ് ഇത് കണ്ടത്. 

ഒരു ഗ്ലാസ് കഷ്ടണത്തിന്റെ പിന്നില്‍ പിടിച്ചിരുന്ന ബലൂണ്‍ പൊട്ടിക്കുന്നതാണ് വീഡിയോയിലുള്ളത്. ഷൗലിന്‍ സന്യാസി തന്റെ ഊര്‍ജ്ജം എടുത്ത് ഗ്ലാസിലേക്ക് സൂചി എടുത്തെറിഞ്ഞു. അപ്പോഴേക്കും വലിയ ശബ്ദത്തില്‍ ബലൂണ്‍ പൊട്ടി. കണ്ണടച്ച് തുറക്കുന്ന വേഗത്തിലാണ് ഇത് നടക്കുന്നത്. എന്താണ് സംഭവിച്ചതെന്ന് മനസിലാക്കാന്‍ പോലുമാകില്ല. പിന്നീട് സ്ലോ മോഷനില്‍ കാണിക്കുമ്പോഴാണ് ചില്ലുപൊട്ടുന്നതുപോലും നമുക്ക് മനസിലാകുന്നത്. എന്നാല്‍ സൂചികൊണ്ട് ചില്ലുപൊട്ടിക്കുക എന്നത് നമ്മളെ സംബന്ധിച്ചോളം ദുഷ്‌കരണമാണ്. പരിപാടിയുടെ അവതാരകരില്‍ ഒരാള്‍ ഇതിനായി ശ്രമിക്കുന്നുണ്ടെങ്കിലും ഗ്ലാസില്‍ തട്ടി സൂചി തെറിച്ചുപോവുകയായിരുന്നു.