കാറിന്റെ എഞ്ചിനുള്ളില്‍ രാജവെമ്പാല; പത്തടി നീളമുള്ള പാമ്പിന് ചെറിയ സഞ്ചിയുമായി പൊലീസുകാര്‍

കള്ളന്‍മാരേയും മറ്റ് പ്രശ്‌നക്കാരേയും നേരിടുന്നതിനേക്കാള്‍ ഇരട്ടി പണിയാണ് ചിലസമയത്ത് പാമ്പുകളെ നേരിടുമ്പോള്‍. കാറിനുള്ളില്‍ കുടുങ്ങിയ രാജവെമ്പാലയെ പുറത്തെടുക്കുന്നതിനുള്ള ചൈനീസ് പൊലീസിന്റെ തത്രപ്പാടിന്റെ വീഡിയോയാണ് സമൂഹമാധ്യമങ്ങളില്‍ ഇപ്പോള്‍ വൈറലാകുന്നത്. 

10 അടി നീളവും, 4.6 കിലോ ഭാരവും വരുന്ന രാജവെമ്പാലയെയാണ് ചൈനീസ് പൊലീസിന് നേരിടേണ്ടി വന്നത്. തെക്ക് പടിഞ്ഞാറന്‍ ചൈനയിലെ യുനാന്‍ പ്രവിശ്യയിലാണ് പാമ്പ് തലവേദനയായത്. 

രാജവെമ്പാലയെ നാല് പൊലീസുകാര്‍ ചേര്‍ന്ന് പുറത്തേക്ക് എത്തിച്ചെങ്കിലും, പൊലീസുകാര്‍ കൊണ്ടുവന്ന സഞ്ചിക്ക് അകത്ത് കടക്കാന്‍ പാമ്പ് തയ്യാറാകാതിരുന്നതോടെ പൊലീസുകാര്‍ കുടുങ്ങി. പത്തടി നീളമുള്ള പാമ്പിനെ കയറ്റാന്‍ ഒരു ചെറിയ സഞ്ചിയായിരുന്നു പൊലീസുകാര്‍ കൊണ്ടുവന്നത്. അപ്പോള്‍ പാമ്പിനേയും കുറ്റം പറയാന്‍ സാധിക്കില്ല...