പാമ്പുകള്‍ തമ്മില്‍ കടിപിടി കൂടുന്നത് കണ്ടിട്ടുണ്ട്. എന്നാല്‍ കഴുതയും പാമ്പും തമ്മിലുളള പോരാട്ടം അപൂര്‍വ്വമായിരിക്കും. കഴുതയും പാമ്പും തമ്മിലുളള ജീവന്മരണ പോരാട്ടത്തിന്റെ രാജസ്ഥാനില്‍ നിന്നുളള ദൃശ്യങ്ങളാണ് ഇപ്പോള്‍ വ്യാപകമായി പ്രചരിക്കുന്നത്.
രാജസ്ഥാനിലെ പ്രതാപ്ഗഡില്‍ നിന്നുളള ദൃശ്യങ്ങളാണ് ഇപ്പോള്‍ പുറത്തുവന്നത്. ഓഗസ്റ്റ് 25നാണ് സംഭവം. മാഹി നദിത്തീരത്ത് പാമ്പിനെ കഴുത കടിച്ചു കുടയുന്നതാണ് വീഡിയോയിലുളളത്.
നദീത്തീരത്ത് പുല്ല് മേയുകയായിരുന്നു കഴുത. അതിനിടെയാണ് യാദൃച്ഛികമായി വിഷമുളള പാമ്പ് കഴുതയുടെ വായില്‍ കുടുങ്ങിയത്. പാമ്പിനെ വിഴുങ്ങാന്‍ കഴുത തയ്യാറായില്ല. അതേസമയം വിട്ടുകളയാനും കഴുത മുതിര്‍ന്നില്ല. പാമ്പിന്റെ പകുതി കഴുതയുടെ വായിലും അവശേഷിക്കുന്നത് പുറത്ത് തൂങ്ങിക്കിടക്കുന്ന നിലയിലുമാണ് ദൃശ്യങ്ങള്‍.
വായില്‍ വച്ച് രക്ഷപ്പെടുന്നതിന്റെ ഭാഗമായി പാമ്പ് പലതവണ വിഷം ചീറ്റി. വായ് മുഴുവന്‍ വിഷം പരക്കാന്‍ ഇത് കാരണമായി. എന്നാല്‍ വിട്ടുകളയാന്‍ കഴുത തയ്യാറായില്ല. പാമ്പിനെ കഴുത പല്ലു കൊണ്ട് ചവച്ചരച്ചു. മിനിറ്റുകള്‍ നീണ്ട പോരാട്ടത്തിന് ഒടുവില്‍ പാമ്പ് ചത്തു. അല്‍പ്പനേരം കഴിഞ്ഞപ്പോള്‍ വിഷത്തിന്റെ ഫലമായി കഴുതയും ചത്തു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
