പ്രസവ ശസ്ത്രക്രീയ നടത്തുന്നതിനിടെ വാക്കേറ്റത്തിലേര്‍പ്പെട്ട് ഡോക്ടര്‍മാര്‍. ഡോക്ടര്‍മാരുടെ അശ്രദ്ധയെ തുടര്‍ന്ന് നവജാതശിശു മരിച്ചു. ശസ്ത്രക്രീയയ്ക്കിടെ ഡോക്ടര്‍മാര്‍ തമ്മില്‍ വാക്കേറ്റത്തില്‍ ഏര്‍പ്പെടുന്നതിന്റെ വീഡിയോ പുറത്തു വന്നതോടെ രണ്ട് ഡോക്ടര്‍മാരേയും ജോലിയില്‍ നിന്നും പുറത്താക്കി.
രാജസ്ഥാനിലെ ജോധ്പൂരിലെ ഉമെയ്ദ് ആശുപത്രിയില്‍ ചൊവ്വാഴ്ചയായിരുന്നു സംഭവം. ഗൈനക്കോളജി വിഭാഗം പ്രൊഫസര്‍, അനസ്‌തേഷ്യ നല്‍കുന്ന ഡോക്ടറുമായി വാക്കുതര്‍ക്കത്തില്‍ ഏര്‍പ്പെടുന്നതാണ് വീഡിയോയില്‍ കാണുന്നത്.
ഹോസ്പിറ്റലിലെ തന്നെ നഴ്‌സിങ് സ്റ്റാഫാണ് വീഡിയോ പകര്‍ത്തിയത്. ഗുരുതരാവസ്ഥയിലായിരുന്നു സ്ത്രീയെ ആശുപത്രിയിലേക്ക് കൊണ്ടുവന്നത്. ഉടനെ തന്നെ സിസേറിയനായി ഓപ്പറേഷന്‍ തീയറ്ററിലേക്ക് കയറ്റി. ഇതിനിടയിലായിരുന്നു ഡോക്ടര്‍മാരുടെ തര്‍ക്കം.
എന്നാല്‍ ഡോക്ടര്‍മാരുടെ അശ്രദ്ധയാണോ കുഞ്ഞ് മരിക്കുന്നതിന് ഇടയാക്കിയതെന്ന് വ്യക്തമല്ല. സംഭവത്തില്‍ ആശുപത്രി അധികൃതര്‍ അന്വേഷണത്തിന് ഉത്തരവിട്ടിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
