സൗരയൂധത്തിലെ ഏറ്റവും വലിയ ഗ്രഹമായ വ്യാഴത്തെക്കാണാന്‍ മികച്ച അവസരം. പതിവിലും വലുപ്പത്തിലാണ് ഇപ്പോള്‍ വ്യാഴം ആകാശത്ത് ദൃശ്യമാകുക. രാത്രി ആകാശത്ത് മഴമേഘങ്ങള്‍ രൂപപ്പെട്ടില്ലെങ്കില്‍ ചുവപ്പന്‍ ഗ്രഹത്തെ അനായാസം നിരീക്ഷിക്കാനാകും. ഈ സമയം ആകാശത്ത് ദൃശ്യമാകുന്ന ഏറ്റവും തിളക്കമേറിയ ഗോളമായതിനാല്‍ വ്യാഴത്തെ അനായാസം തിരിച്ചറിയാനും സാധിക്കു.
തെക്കുകിഴക്കന്‍ ആകാശത്ത് തെളിയുന്ന ഈ കാഴ്ചയുടെ ചിത്രങ്ങള്‍ അഞ്ചിഞ്ച് ടെലിസ്‌കോപ്പിലൂടെ മൊബൈല്‍ ഫോണില്‍ പകര്‍ത്താനാവുമെന്നാണ് വാനനിരീക്ഷകര്‍ പറയുന്നത്. ഓരോ 13 മാസവും സൂര്യനും വ്യാഴത്തിനും ഇടയിലായി ഭൂമി വരും. ഇങ്ങനെ സംഭവിക്കുമ്പോള്‍ സൂര്യന്‍ പടിഞ്ഞാറ് അസ്തമിക്കുകയും വ്യാഴം കിഴക്ക് ഉദിക്കുകയുമാണ് ചെയ്യുക. 'ഓപ്പോസിഷന്‍' എന്നാണ് ഈ പ്രതിഭാസം അറിയപ്പെടുന്നത്. ഇതു വ്യാഴത്തെ കൂടുതല്‍ വലിപ്പത്തിലും തിളക്കത്തിലും ദൃശ്യമാക്കും. ഈ മാസം എട്ടാം തിയതിയാണ് വ്യാഴത്തിന്റെ ഓപ്പോസിഷന്‍ ആരംഭിച്ചത്. രണ്ടുവര്‍ഷത്തിനിടയില്‍ ആദ്യമായാണ് വ്യാഴം ഭൂമിയോട് ഇത്ര അടുത്തുവരുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
