വിമാനം പറത്തുന്നതിനിടെ കോക്പിറ്റില്‍ പൈലറ്റ് ഉറങ്ങുന്ന വിഡിയോ പുറത്ത്. ചൈന എയര്‍ലൈന്‍ ബോയിങ് 747 ലാണ് സംഭവം നടന്നത്. കോക്പിറ്റിലുണ്ടായിരുന്ന സഹപൈലറ്റാണ് വിഡിയോ എടുത്തത്. ഇയാള്‍ക്ക് കര്‍ശന താക്കീത് നല്‍കി.
ചൈന എയര്‍ലൈന്‍സ്- തായ്‌വാന്‍സ് നാഷനല്‍ കരിയറിലെ വെംങ് ജിയാക്വി എന്ന പൈലറ്റാണ് ഗുരുതരമായ കൃത്യവിലോപം നടത്തിയത്. വിമാനം പറത്തുന്നതില്‍ ഇരുപതു വര്‍ഷത്തോളം പരിചയസമ്പത്ത് ഇയാള്‍ക്കുണ്ട്. ഉറക്കം തൂങ്ങി തല ആടുന്നത് വിഡിയോയില്‍ കാണാം. വിഡിയോ വൈറലായതോടെ പൈലറ്റിന് കടുത്ത ശിക്ഷ നല്‍കിയെന്ന് എയര്‍ലൈന്‍ അധികൃതര്‍ പറഞ്ഞു.
വിഡിയോ എന്നാണ് എടുത്തതെന്നു വ്യക്തമല്ല. തായ്‌വാനീസ് ടിവി നെറ്റ്‌വര്‍ക്കാണ് വാര്‍ത്ത പുറത്തുവിട്ടത്. വിഡിയോ പുറത്തായതോടെ പൈലറ്റ് സ്വമേധയാ കുറ്റമേറ്റു പറഞ്ഞതായി എയര്‍ലൈന്‍ അധികൃതര്‍ പറഞ്ഞു. വിമാന യാത്രാ സുരക്ഷയ്ക്കു ഏറെ പ്രാധാന്യം നല്‍കുന്നവരാണ് ചൈന എയര്‍ലൈന്‍സ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
