ഹൈദരബാദ്: ബാഹുബലിക്കു പിന്നാലെ പുതിയ ചിത്രവുമായി രാജ്മൗലി. തെലുങ്കിലെ മെഗാതാരങ്ങളായ ജൂനിയര്‍ എന്‍ടിആറും രാംചരണുമാണ് ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കുക. ചിത്രത്തിന്റെ പ്രവര്‍ത്തനങ്ങള്‍ ഈ വര്‍ഷം ഡിസംബറോടെ ആരംഭിക്കും. 300 കോടി രൂപ ചെലവഴിച്ചാണ് പുതിയ ചിത്രം തീയേറ്ററില്‍ എത്തിക്കുന്നത്്. ചിത്രത്തില്‍ ജൂനിയര്‍ എന്‍ടിആറും രാംചരണും സഹോദരന്‍മാരായാണ് പ്രത്യക്ഷപ്പെടുന്നതെന്നാണ് റിപ്പോര്‍ട്ടുകള്‍. ചിത്രത്തില്‍ നായികയെ തീരുമാനിച്ചിട്ടില്ല.
ചിത്രത്തിനായി ഇരുവരും പ്രത്യേക പരിശീലനത്തില്‍ പങ്കെടുക്കാന്‍ ഒരുങ്ങുകയാണ്. അഭിനേതാക്കള്‍ക്ക് നവംബര്‍ മധ്യത്തില്‍ പ്രത്യേക ശില്‍പ്പശാല നടത്തും. പതിനഞ്ച് ദിവസം നീണ്ടു നില്‍ക്കുന്നതാണ് ശില്‍പ്പശാല. സംവിധായകന്‍ രാജമൗലിയും മറ്റ് സാങ്കേതികപ്രവര്‍ത്തകരുമാണ് ശില്‍പ്പശാല നയിക്കുക. ഈ വര്‍ഷം അവസാനം സിനിമയുടെ ചിത്രീകരണം ആരംഭിക്കും. 2020ല്‍ ചിത്രം തീയേറ്ററില്‍ എത്തുമെന്നാണ് പ്രതീക്ഷിക്കുന്നത്.
പുതിയ ചിത്രത്തിലും കീരവാണി തന്നെയായിരിക്കും സംഗീത സംവിധാനം നിര്‍വഹിക്കുക. പ്രൊഡക്ഷന്‍ ഡിസൈനര്‍ സാബു സിറിള്‍, ക്യാമറ സെന്തില്‍ കുമാര്‍. ഡിവിവി ധനയ്യയാണ് ചിത്രം നിര്‍മ്മിക്കുന്നത്
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
