വെബ് സീരീസുമായി അജു വർ​ഗീസും സംഘവും; 'കിളി' 

വെബ് സീരീസ് രം​ഗത്തേക്ക് ചുവടുവച്ച് അജു വർ​ഗീസ്. ഫന്റാസ്റ്റിക്  ഫിലിംസിന്റെ ബാനറിൽ അജു വർ​ഗീസ്, ധ്യാൻ ശ്രീനിവാസൻ, വിശാഖ് സുബ്രഹ്മണ്യം എന്നിവരും മെെ ഡെസി​ഗ്നേഷൻ സ്റ്റുഡിയോസും ചേർന്ന് നിർമിക്കുന്ന ആദ്യ വെബ് സീരീസ് പ്രഖ്യാപിച്ചു. 'കിളി' എന്നാണ് സീരീസിന്റെ പേര്. 

കിളിയുടെ ട്രെയ്ലർ നാളെ പുറത്തിറങ്ങും. വെെകീട്ട് 6 മണിക്കാണ് ട്രെയ്ലർ റിലീസ്. അജു വർ​ഗീസ് തന്നെയാണ് ഈ വിവരം സമൂഹ മാധ്യമത്തിലൂടെ പങ്കുവച്ചത്. കോമഡി ജോണറിൽപ്പെട്ട  ഈ വെബ് സീരീസ് വിഷ്ണു ​ഗോവിന്ദനാണ് സംവിധാനം ചെയ്യുന്നത്. 

അരുൺ ചന്ദു സംവിധാനം ചെയ്യുന്ന സാജൻ ബേക്കറി സിൻസ് 1962  എന്ന ചിത്രമായിരുന്നു ഫന്റാസ്റ്റിക് ഫിലിംസിന്റെ ആദ്യ സംരഭം. അജു വർഗീസ്, ​ഗ്രേസ് ആന്റണി, ലെന എന്നിവരാണ് സിനമയിലെ കേന്ദ്ര കഥാപാത്രങ്ങൾ. അജു വർഗീസ്, അരുൺ ചന്തു എന്നിവർ ചേർന്നാണ് തിരക്കഥ, സംഭാഷണമെഴുതുന്നത്. ചിത്രം അ‌ടുത്ത വർഷം റിലീസ് ചെയ്യും.