"ഞാൻ കല്യാണം കഴിക്കുകയാണ്... വീണ്ടും"; ‘പൊളിച്ചടുക്കി തലയും കുത്തി നിന്ന്’; വിഡിയോ

പത്താം വിവാഹവാർഷികം വീണ്ടുമൊരു കല്യാണമാമാങ്കമാക്കി ആസിഫ് അലിയും ഭാര്യ സമയും. മക്കൾക്കും അടുത്ത സുഹൃത്തുക്കൾക്കുമൊപ്പം ‘രണ്ടാം’ വിവാഹം ആഘോഷമാക്കുകയായിരുന്നു ഇരുവരും. വരനെപ്പോലെ കറുത്ത സ്യൂട്ട് ധരിച്ച് ആസിഫ് ആഘോഷം തുടങ്ങിയപ്പോൾ ബീജ് നിറത്തിലെ ​ഗൗണിലാണ് സമ തിളങ്ങിയത്. മക്കളായ ആദാമും ഹയയും ഇവർക്കൊപ്പമുണ്ടായിരുന്നു. 

തലശ്ശേരിയിലെ സ്വകാര്യ റിസോർട്ടിലാണ് വിവാഹവാർഷികാഘോഷ പാർട്ടി സംഘടിപ്പിച്ചത്. ഛായാ​ഗ്രാഹകൻ ജോമോൻ ടി ജോൺ ആണ് ഈ മനോഹരനിമിഷങ്ങൾ കാമറയിൽ പകർത്തിയത്. ആഘോഷത്തിന്റെ ചിത്രങ്ങളും വിഡിയോകളും സോഷ്യൽ‌ മീഡിയയിൽ‌ വൈറലാണ്. ആസിഫിന്റെയും സമയുടെയും അടുത്ത സുഹൃത്തുക്കളും താരങ്ങളുമായ ബാലു വർഗീസ്, ​ഗണപതി, എലീന കാതറിൻ എന്നിവരും പങ്കെടുത്തു.  

ആസിഫ് അലിയും സമയും വീണ്ടും വിവാഹിതരായി എന്ന തലക്കെട്ടോടെയാണ് ചിത്രങ്ങളും വിഡിയോകളും വൈറലാകുന്നത്. 2013ലാണ് ആസിഫും സമ മസ്റീനും വിവാഹിതരായത്. ‘പൊളിച്ചടുക്കി തലയും കുത്തി നിന്ന് ’ എന്ന ഹാഷ്ടാഗോടെയാണ് ആസിഫ് വിഡിയോ പങ്കുവച്ചിരിക്കുന്നത്. 

ഈ വാര്‍ത്ത കൂടി വായിക്കൂ 

തിയറ്ററുകളിൽ കോളിളക്കം സൃഷ്ടിച്ച് ‘2018’ ഇനി ഒടിടിയിലേക്ക്; റിലീസ് തിയതി പ്രഖ്യാപിച്ചു 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ