'സൂപ്പർ ഗ്ലൂ പോലെ എന്തോ ഒന്ന് നമ്മളെ എപ്പോഴും അടുപ്പിക്കുന്നു'; അമാലിനൊപ്പം ഒൻപത് വർഷങ്ങൾ, ഹൃദയം തുറന്ന് ദുൽഖർ 

വിവാഹത്തിന്റെ ഒൻപതാം വാർഷികം ആഘോഷിച്ചിരിക്കുകയാണ് മലയാളത്തിന്റെ സ്വന്തം ദുൽഖർ സൽമാനും ഭാര്യ അമാൽ സൂഫിയയും. ഒന്നിച്ചുള്ള ജീവിതം ഒരു ദശാബ്ദത്തിലേക്ക് കടക്കുമ്പോൾ ഹൃദ്യമായ വാക്കുകൾ കുറിച്ചാണ് ദുൽഖർ അമാലിനോടുള്ള സ്നേഹം പ്രകടിപ്പിച്ചിരിക്കുന്നത്. 

“സന്തോഷം നിറഞ്ഞ ഒൻപത് വർഷങ്ങൾ!! ഒരു ദശകത്തോട് അടുക്കുന്നു! കൂടുതൽ അടുക്കുകയും ശക്തമാവുകയും ഒന്നിച്ച് വളരുകയും ചെയ്തിരിക്കുന്നു. സൂപ്പർ ഗ്ലൂ പോലെ എന്തോ ഒന്ന് നമ്മളെ എപ്പോഴും അടുപ്പിച്ചു നിർത്തുന്നു. ഒരു ദശാബ്ദം നീണ്ട നമ്മുടെ യാത്ര, ജീവിതത്തിൽ ഇടറുമ്പോഴെല്ലാം പരസ്പരം ചേർത്തു പിടിച്ച് മുന്നോട്ടു തന്നെ നടക്കുന്നു. ഒന്നിച്ച് ശക്തരായി നിൽക്കുന്നു...", ദുൽഖർ കുറിച്ചു. 

2011 ഡിസംബർ 22നാണ് ദുൽഖറും അമാലും വിവാഹിതരായത്. ഒരു ആർക്കിടെക്ട് കൂടിയാണ് അമാൽ.