'പാവം സ്ത്രീയാണ് സിൽക് സ്മിത, അവരുടെ അടുത്ത് ബഹുമാനത്തോടെയേ നിന്നിട്ടുള്ളൂ'; ഇന്ദ്രൻസ്

ഒരുകാലത്ത് തെന്നിന്ത്യൻ സിനിമാ പ്രേക്ഷകരുടെ നെഞ്ചിടിപ്പേറ്റിയിരുന്ന താരമാണ് സിൽക് സ്മിത. വർഷങ്ങൾക്കിപ്പുറവും താരസുന്ദരിക്ക് ആരാധകർ ഏറെയാണ്. ഇപ്പോൾ സിൽക് സ്മിതയെക്കുറിച്ച് നടൻ ഇന്ദ്രൻസ് പറഞ്ഞ വാക്കുകളാണ് ശ്രദ്ധനേടുന്നത്. 

സിനിമയിൽ കോസ്റ്റ്യൂം ഡിസൈനറായി പ്രവർത്തിച്ചിരുന്ന കാലത്ത് സിനിമയിലെ പ്രമുഖ താരങ്ങളുമായുള്ള അനുഭവം പങ്കുവച്ചിരുന്നു. കെപിഎസി ലളിതയേയും സുകുമാരിയുടേയും ക്വാളിറ്റിയുള്ള ചെറുപ്പക്കാരിയായിരുന്നു സിൽക് സ്മിത എന്നാണ് ഇന്ദ്രൻസ് പറഞ്ഞത്. സിനിമയിൽ വേറെ ഇമേജ് ആണെങ്കിലും പാവം സ്ത്രീ ആണ് എന്നായിരുന്നു താരം പറഞ്ഞത്. യൂട്യൂബ് ചാനലിന് നൽകിയ അഭിമുഖത്തിലായിരുന്നു പ്രതികരണം. 

'കെപിഎസി ലളിത ചേച്ചിയെ പോലെയായിരുന്നു. ഒരുപാട് ശകാരിക്കും. മാറി നിന്നാൽ ഓ ഇരിക്കുന്നത് കണ്ടില്ലേ ഇങ്ങ് വാ എന്ന് പറഞ്ഞ് വിളിക്കും. സുകുമാരി ചേച്ചിയും അങ്ങനെ ആയിരുന്നു. ഇവരെ പോലെ ക്വാളിറ്റി ഉള്ള ഒരു ചെറുപ്പക്കാരി ആയിരുന്നു സിൽക് സ്മിത. പടത്തിൽ അവർക്ക് വേറെ ഇമേജ് ആണെങ്കിലും അവരും ഇത് പോലെ ആണ്. പാവം സ്ത്രീ ആണ്. കമ്പനി ആയിരുന്നില്ല. ‍ഞാനവരുടെ അടുത്ത് ബഹുമാനത്തോടെയേ നിന്നിട്ടുള്ളൂ'- ഇന്ദ്രൻസ് പറഞ്ഞു. 

ഈ വാര്‍ത്ത കൂടി വായിക്കൂ 

മണി രത്‌നത്തിന്റെ പൊന്നിയിന്‍ സെല്‍വന്‍ 2 എത്തുന്നു; റിലീസ് പ്രഖ്യാപിച്ചു

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ