ജോൺ കൊക്കനും പൂജാ രാമചന്ദ്രനും ആൺകുഞ്ഞ്, കിയാൻ കൊക്കൻ; സന്തോഷം പങ്കുവച്ച് താരങ്ങൾ

താരദമ്പതിമാർ തന്നെയാണ് സന്തോഷവാർത്ത അറിയിച്ചത്. ഇൻസ്റ്റഗ്രാമിലൂടെ കുഞ്ഞിന്റെ പേരും ഇരുവരും പുറത്തുവിട്ടു

ഫോട്ടോ: ഇൻസ്റ്റഗ്രാം

Author:

Updated on:

30 Apr 2023, 3:45 pm

1 min read

നടൻ ജോൺ കൊക്കനും നടി പൂജാ രാമചന്ദ്രനും ആൺകുഞ്ഞ് ജനിച്ചു. താരദമ്പതിമാർ തന്നെയാണ് സന്തോഷവാർത്ത അറിയിച്ചത്. ഇൻസ്റ്റഗ്രാമിലൂടെ കുഞ്ഞിന്റെ പേരും ഇരുവരും പുറത്തുവിട്ടു. കിയാൻ കൊക്കൻ എന്നാണ് കുഞ്ഞിന് പേര് നൽകിയിരിക്കുന്നത്.

കിയാനെ ഈ ലോകത്തേക്ക് സ്വാഗതമരുളുന്നുവെന്നും പ്രാർത്ഥനകൾക്ക് എല്ലാവരോടും നന്ദിയും സ്നേഹവുമുണ്ടെന്നും ജോൺ കൊക്കൻ ഇൻസ്റ്റഗ്രാമിൽ കുറിച്ചു.

2019-ലാണ് ജോൺ കൊക്കനും പൂജയും വിവാഹിതരായത്. തമിഴ് ചിത്രങ്ങളിലൂടെ ശ്രദ്ധനേടിയ ടിയാൻ മലയാള ചിത്രമായ ടിയാനിലും അഭിനയിച്ചിട്ടുണ്ട്. ഇപ്പോൾ ധനുഷ് നായകനാവുന്ന ക്യാപ്റ്റൻ മില്ലറിലാണ് ജോൺ കൊക്കൻ അഭിനയിച്ചുകൊണ്ടിരിക്കുന്നത്. സ്വാമി രാ രാ, കാഞ്ചന 2, കാതലിൽ സൊതപ്പത് എപ്പടി എന്നിവയാണ് പൂജയുടെ ശ്രദ്ധേയ ചിത്രങ്ങൾ. ഡി കമ്പനി എന്ന മലയാള ചിത്രത്തിലും അവർ അഭിനയിച്ചിട്ടുണ്ട്.