'ഇരട്ട'യിൽ ഇരട്ട വേഷത്തിൽ ജോജു; മാർട്ടിൻ പ്രക്കാട്ട് ചിത്രത്തിന്റെ ഫസ്റ്റ് ലുക്ക് എത്തി 

നായാട്ടിനു ശേഷം മാർട്ടിൻ പ്രക്കാട്ടും ജോജു ജോർജ്ജും ഒരുമിക്കുന്ന ചിത്രമാണ് ഇരട്ട. ജോജു ആദ്യമായി ഡബിൾ റോളിലെത്തുന്ന ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്തുവിട്ടു. ഇരട്ടകളുടെ ഗെറ്റപ്പിൽ ജോജു ജോർജിനെ പോസ്റ്ററിൽ കാണാം. ഇരട്ട സഹോദരങ്ങളായ രണ്ടു പൊലീസ് ഉദ്യോഗസ്ഥരുടെ കഥയാണ് ഇരട്ട. 

മഞ്ജു വാര്യർ, ടൊവിനോ തോമസ്, സുരാജ് വെഞ്ഞാറമൂട്, ഐശ്വര്യാ ലക്ഷ്മി, റിമാ കല്ലിങ്കൽ, ആനു സിതാര, രമേശ് പിഷാരടി, അർജുൻ അശോകൻ, അനശ്വരാ രാജൻ, മമിതാ ബൈജു, മിഥുൻ രമേഷ്, അപർണാ ദാസ് തുടങ്ങി നിരവധി താരങ്ങളുടെ സോഷ്യൽ മീഡിയ പേജിലൂടെയാണ് പോസ്റ്റർ റിലീസ് ചെയ്തത്. 

അഞ്ജലി, സ്രിന്ധ, ആര്യാ സലിം, ശ്രീകാന്ത് മുരളി, സാബുമോൻ, അഭിരാം എന്നിവരാണ് ഇരട്ടയിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. അപ്പു പാത്തു പാപ്പു പ്രൊഡക്ഷൻസും മാർട്ടിൻ പ്രക്കാട്ട് ഫിലിംസും സിജോ വടക്കനും ചേർന്നാണ് ഇരട്ടയുടെ നിർമ്മാണം. ചിത്രത്തിന്റെ കഥ, തിരക്കഥ, സംവിധാനം എന്നിവ നിർവഹിക്കുന്നത് നവാഗതനായ രോഹിത്.എം.ജി.കൃഷ്ണൻ ആണ്. വിജയ് ആണ് ഇരട്ടയുടെ ഛായാഗ്രഹകൻ. അൻവർ അലിയുടെ വരികൾക്ക് ജേക്സ് ബിജോയാണ് സംഗീത സംവിധാനം നിർവഹിച്ചിരിക്കുന്നത്. 

ഈ വാര്‍ത്ത കൂടി വായിക്കൂ 

മഞ്ഞ് മാറ്റുന്നതിനിടെ അപകടം: നടൻ ജെറെമി റെന്നെർ ഗുരുതരാവസ്ഥയിൽ 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ