'മോൾ പിറന്നപ്പോൾ ആദ്യമായി കുഞ്ഞുടുപ്പുകളുമായി കാണാനെത്തി, കരുതലിന്റെ ബാലപാഠങ്ങൾ സുരേഷിന് പണ്ടേ വശമായിരുന്നു'

വില്ലൻ വേഷങ്ങളിലും ക്യാരക്ടർ റോളുകളിലും കഴിവ് തെളിയിച്ച നടനാണ് മോഹൻ ജോസ്. ഇപ്പോഴിതാ സുരേഷ് ​ഗോപിയുമായുള്ള തന്റെ ബന്ധത്തേക്കുറിച്ച് തുറന്ന് പറയുകയാണ് നടൻ. സുരേഷ് ​ഗോപിക്ക് ഇനിയും ഏറെ ഉയരങ്ങൾ എത്തിപ്പിടിക്കാനുണ്ടെന്ന് മോഹൻ പറഞ്ഞു. തനിക്ക് മകൾ ജനിച്ചപ്പോൾ സിനിമ രം​ഗത്തു നിന്നും ആദ്യമായി പത്ത് കുഞ്ഞുടുപ്പകളുമായി കാണാനെത്തിയത് സുരേഷ് ​ഗോപിയും രാധികയുമായിരുന്നുവെന്ന് മോഹൻ പറയുന്നു.

'വർഷങ്ങൾക്ക് മുൻപ് യാത്ര പറഞ്ഞ് ഹോട്ടലിൽ നിന്ന് മടങ്ങാൻ നേരം സുരേഷ് ​ഗോപി എന്തോ ഓർത്തതുപോലെ എന്നോട് ഒരു മിനിറ്റ് എന്ന് പറഞ്ഞിട്ട് റിസപ്ഷനിൽ വിളിച്ച് ഒരു ബി​ഗ്ഷോപ്പർ റൂമിലേക്ക് കൊടുത്ത് വിടാൻ ആവശ്യപ്പെട്ടു. റൂം ബോയ് അതുമായി വന്നപ്പോൾ സുരേഷ് റൂമിലുണ്ടായിരുന്ന ഒരു ചൂരൽക്കൂട നിറയെ മനോഹരമായി പായ്ക്ക് ചെയ്തു വച്ചിരുന്ന ഫ്രൂട്ട്സ് അതുപോലെ എടുത്ത് ആ ബി​ഗ്ഷോപ്പറിലാക്കിയിട്ട് ഇത് മോൾക്ക് കൊടുക്കണമെന്ന് പറഞ്ഞ് എന്നെയേൽപ്പിച്ചു.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

എന്റെ മോൾ പിറന്നപ്പോൾ ആദ്യമായി പത്ത് കുഞ്ഞുടുപ്പുകളുമായി കാണാൻ വന്നതും സുരേഷ് ​ഗോപിയും രാധികയുമായിരുന്നു. കരുതലിന്റെ ബാലപാഠങ്ങൾ സുരേഷിന് പണ്ടേ വശമായിരുന്നു. ഇനിയും ഏറെ ഉയരങ്ങൾ എത്തിപ്പിടിക്കാനുണ്ട് ആ നല്ല സുഹൃത്തിന്. സർവ നന്മകളും നേരുന്നു'- മോഹൻ ജോസ് പറഞ്ഞു.