പ്രമുഖ നടന്‍ നസീറുദ്ദീന്‍ ഷായെ (70) ആശുപത്രിയില്‍ പ്രവേശിപ്പിച്ചു. ന്യൂമോണിയ ബാധിതനാണ് അദ്ദേഹം. ഷായെ മുംബൈയിലെ ഹിന്ദുജ ആശുപത്രിയില്‍ ഇന്നലെ അഡ്മിറ്റ് ചെയ്‌തെന്ന് ഭാര്യ രത്‌ന പതക് അറിയിച്ചു.
ശ്വാസകോശത്തില്‍ ന്യുമോണിയയുടെ നേരിയ ലക്ഷണമുണ്ടെന്നും ചികിത്സയിലാണെന്നും രത്‌ന പറഞ്ഞു. മരുന്നുകളോട് നന്നായി പ്രതികരിക്കുന്നുണ്ടെന്നും ഉടന്‍ ആശുപത്രി വിടാനാകുമെന്നാണ് കരുതുന്നതെന്നും വാര്‍ത്താ ഏജന്‍സിയായ പിടിഐയോട് അവര്‍ പറഞ്ഞു.
1970-80 കാലഘട്ടത്തില്‍ സിനിമാരംഗത്തെ പ്രമുഖ വ്യക്തിത്വമായിരുന്നു നസീറുദ്ദീന്‍
ഷാ. നൂറോളം സിനിമകളില്‍ അഭിനയിച്ച അദ്ദേഹം മികച്ച നടനുള്ള മൂന്ന് ദേശീയ പുരസ്‌കാരങ്ങള്‍ സ്വന്തമാക്കിയിട്ടുണ്ട്. ഇഷക്കിയ, ദി ഡേര്‍ട്ടി പിക്ച്ചര്‍, സിന്ദഗി ന മിലേഗി ദൊബാര തുടങ്ങി പുതിയകാല ചിത്രങ്ങളിലും സജീവമാണ് ഷാ. കഴിഞ്ഞ വര്‍ഷം ആമസോണ്‍ പ്രെം വിഡിയോ സീരീസായ ബാണ്ടിഷ് ബണ്ടിട്‌സിലും അഭിനയിച്ചിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
