കാഞ്ചന 4 ൽ മൃണാൽ അല്ല നായിക, ഔദ്യോ​ഗിക പ്രഖ്യാപനം ഉടനെന്ന് രാഘവ ലോറൻസ്

കാഞ്ചന എന്ന ഒരൊറ്റ ചിത്രം മതി രാഘവ ലോറൻസ് എന്ന നടനെ എക്കാലവും ഓർത്തിരിക്കാൻ. കാ‍ഞ്ചനയുടെ നാലാം ഭാ​ഗം വരുമെന്നറിഞ്ഞപ്പോൾ‌ മുതൽ പ്രേക്ഷകരും ഏറെ ആവേശത്തിലാണ്. കാഞ്ചന 4 ൽ നായികയായി മൃണാൽ താക്കൂർ എത്തുന്നുവെന്ന തരത്തിലും അഭ്യൂഹങ്ങൾ പ്രചരിച്ചിരുന്നു. ഇപ്പോഴിതാ ഇത്തരം പ്രചാരണങ്ങൾക്കെല്ലാം മറുപടിയുമായി എത്തിയിരിക്കുകയാണ് രാഘവ ലോറൻസ്.

ഞായറാഴ്ച എക്സിലൂടെയായിരുന്നു രാഘവ ലോറൻസിന്റെ പ്രതികരണം. കാ‍ഞ്ചന 4 നേക്കുറിച്ച് പ്രചരിക്കുന്ന വാർത്തകളെല്ലാം തെറ്റാണെന്നാണ് രാ​ഘവ ലോറൻസ് കുറിച്ചിരിക്കുന്നത്. 'സുഹൃത്തുക്കളേ, ആരാധകരേ, കാഞ്ചന 4 നേക്കുറിച്ച് സോഷ്യൽ മീഡിയയിൽ പ്രചരിക്കുന്ന എല്ലാ വിവരങ്ങളും വെറും അഭ്യൂ​ഹങ്ങൾ മാത്രമാണ്. ഉടനെ തന്നെ രാഘവേന്ദ്ര പ്രൊഡക്ഷൻ ഔദ്യോ​ഗിക പ്രഖ്യാപനം നടത്തുമെന്നാണ് രാഘവ ലോറൻസ് കുറിച്ചിരിക്കുന്നത്.

ഹൊറർ - കോമഡി ചിത്രമായാണ് കാഞ്ചന പ്രേക്ഷകരിലേക്കെത്തുന്നത്. രാഘവ ലോറൻ‌സ് തന്നെയാണ് ചിത്രം സംവിധാനം ചെയ്തിരിക്കുന്നതും. ഹൊറർ - കോമഡി സീരിസിലെ അഞ്ചാമത്തെ ചിത്രമാണ് കാഞ്ചന 4. ചിത്രത്തിന്റെ ആദ്യ ഭാ​ഗമായ മുനി 2007 ലാണ് പുറത്തുവരുന്നത്.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

2011 ൽ രണ്ടാം ഭാ​ഗമായ മുനി 2: കാ‍ഞ്ചന എത്തി. 2015 ൽ കാഞ്ചന 2 ഉം 2019 ൽ കാഞ്ചന 3 യും പ്രേക്ഷകരിലേക്കെത്തി. ജി​ഗർതണ്ട ഡബിൾ എക്സിലാണ് രാഘവ ലോറൻസ് അവസാനം അഭിനയിച്ചത്. അധികാരം, ദുർ​ഗ തുടങ്ങിയ ചിത്രങ്ങളും രാഘവ ലോറൻസിന്റേതായി വരാനുണ്ട്.