ഞങ്ങളുടെ പ്രിയങ്കരി, 'മെഹർ' ; മകളെ പരിചയപ്പെടുത്തി സിജു വിൽസൺ

ജീവിതത്തിലെ പുതിയ അതിഥിയെ ആരാധകർക്ക് പരിചയപ്പെടുത്തി നടൻ സിജു വിൽസൺ. മകൾ ജനിച്ച വാർത്ത ആരാധകരെ അറിയിച്ച താരം ഇപ്പോൾ മകളുടെ പേരും പങ്കുവച്ചിരിക്കുകയാണ്. മെഹർ സിജു വിൽസൺ എന്നാണ് മകൾക്ക് പേര് നൽകിയിരിക്കുന്നത്. 

മകൾക്കും ഭാര്യ ശ്രുതി വിജയനുമൊപ്പമുള്ള ചിത്രങ്ങളും സിജു പങ്കുവച്ചിട്ടുണ്ട്. "ഞങ്ങളുടെ ജീവിതത്തിലെ പുതിയ സ്നേഹത്തെ പരിചയപ്പെടൂ, ഞങ്ങളുടെ പ്രിയങ്കരി, മെഹർ സിജു വിൽസൺ. മെഹർ എല്ലാവർക്കും ഹായ് പറയുന്നു". , ചിത്രത്തോടൊപ്പം സിജു കുറിച്ചു. 

അഭിനയത്തിന് പുറമേ നിർമാതാവ് എന്ന നിലയിലും ശ്രദ്ധ നേടിയിട്ടുണ്ട് സിജു. സിജു നിർമ്മിച്ച വാസന്തിക്കാണ് ഇക്കുറി മികച്ച ചിത്രത്തിനുള്ള സംസ്ഥാന സർക്കാരിന്റെ പുരസ്കാരം ലഭിച്ചത്. വിനയൻ സംവിധാനം ചെയ്യുന്ന ‘പത്തൊൻപതാം നൂറ്റാണ്ട്’ എന്ന സിനിമയുടെ തിരക്കിലാണ് താരം ഇപ്പോൾ.