സുരേഷ് ഗോപിയുടെ മകള്‍ ഭാഗ്യ സുരേഷിന്റെ വിവാഹത്തിന് മുന്നോടിയായി നടന്ന സംഗീത് ആഘോഷമാക്കി കുടുംബം. പച്ച ലെഹങ്ക അണിഞ്ഞ് അതിസുന്ദരിയായാണ് ഭാഗ്യ എത്തിയത്. മാവേലിക്കര സ്വദേശിയായ ശ്രേയസ് മോഹനന്‍ ആണ് വരന്‍. ട്രിവാന്‍ഡ്രം ക്ലബ്ബില്‍ വെച്ചായിരുന്നു സംഗീത് ആഘോഷം.
അടുത്ത ബന്ധുക്കളും സുഹൃത്തുക്കളും മാത്രമാണ് സംഗീതില്‍ പങ്കെടുത്തത്. സിനിമ രംഗത്ത് നിന്നും വിന്ദുജ മേനോനും അഹാന കൃഷ്ണയും വിരുന്നില്‍ പങ്കെടുത്തു. ആഘോഷങ്ങളുടെ ചിത്രങ്ങളും വിഡിയോയും ഇപ്പോള്‍ സോഷ്യല്‍മീഡിയയിലും വൈറലാണ്.
ജനുവരി 17ന് ഗുരുവായൂരില്‍ വെച്ചാണ് ഭാഗ്യയുടെയും ശ്രേയസ് മോഹന്റെയും വിവാഹം. ഇരുവരുടെയും വിവാഹത്തിന് സാക്ഷ്യം വഹിക്കാന്‍ പ്രധാനമന്ത്രി നരേന്ദ്ര മോദിയും എത്തുമെന്നതാണ് മറ്റൊരു വിശേഷം. ജനുവരി 20ന് തിരുവനന്തപുരം ഗ്രീന്‍ഫീല്‍ഡ് സ്റ്റേഡിയത്തില്‍ വെച്ചാണ് വിവാഹ റിസപ്ഷന്‍.
കഴിഞ്ഞ ജൂലൈയില്‍ തിരുവനന്തപുരത്തെ വീട്ടില്‍ വെച്ചായിരുന്നു ഇരുവരുടെയും വിവാഹ നിശ്ചയം. സുരേഷ് ഗോപി-രാധിക ദമ്പതികളുടെ മൂത്ത മകളാണ് ഭാഗ്യ. ബ്രിട്ടീഷ് കൊളംബിയ സര്‍വകലാശാലയില്‍ നിന്നാണ് ഭാഗ്യ ബിരുദം പൂര്‍ത്തിയാക്കിയത്. ഗോകുല്‍ സുരേഷ്, മാധവ് സുരേഷ്, ഭാവ്‌നി സുരേഷ് എന്നിവരാണ് സുരേഷ് ഗോപിയുടെ മറ്റ് മക്കള്‍.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
