സോഷ്യൽ മീഡിയയിൽ വൈറലാവുന്നത് മലയാളത്തിന്റെ പ്രിയതാരം ടൊവിനോ തോമസിന്റെ സ്റ്റൈലിഷ് ലുക്കാണ്. പൊന്ന്യം ഏഴരക്കണ്ടത്ത് നടക്കുന്ന പൊന്ന്യത്ത് അങ്കത്തിനാണ് സ്റ്റൈലിഷ് ലുക്കിൽ താരം എത്തിയത്. മീശ പിരിച്ചു വച്ചുള്ള താരത്തിന്റെ ലുക്ക് ഇതിനോടകം പ്രേക്ഷക ശ്രദ്ധ നേടിക്കഴിഞ്ഞു.
സംസ്കാരിക മന്ത്രി സജി ചെറിയാന് ഉദ്ഘാടനം ചെയ്ത പരിപാടിയില് മുഖ്യാതിഥിയായാണ് മലയാളത്തിന്റെ യുവ നടന് പുതിയ ലുക്കില് എത്തിയത്. കറുത്ത ഷർട്ടും കറുത്ത കരയുള്ള മുണ്ടുമായുന്നു താരത്തിന്റെ വേഷം. കൂളിങ് ഗ്ലാസും കൊമ്പൻ മീശയും കൂടിയായതോടെ ആരാധകർ താരത്തിന്റെ പുത്തൻ ലുക്ക് ആകർഷിച്ചു. കളരിപ്പയറ്റ് ആസ്വദിച്ച താരം വാളും പരിചയയുമായി അങ്കതട്ടില് ഇറങ്ങിയതോടെ കാണികളും ആവേശത്തിലായി. താരം തന്നെയാണ് വിഡിയോ സോഷ്യൽ മീഡിയയിൽ പങ്കുവച്ചത്.
തലശ്ശേരി ഹെറിറ്റേജ് ടൂറിസത്തിന്റെ ഭാഗമായാണ് ഫെബ്രുവരി 21 മുതല് 27വരെ പൊന്ന്യത്ത് അങ്കം സംഘടിപ്പിച്ചത്. ‘അജയന്റെ രണ്ടാം മോഷണം’ എന്ന ചിത്രത്തിനു വേണ്ടിയുള്ള ലുക്കാണിതെന്നാണ് പോസ്റ്റിനു താഴെയുള്ള കമന്റിൽ നിറഞ്ഞത്. ട്രിപ്പിള് റോളില് ആണ് താരം ചിത്രത്തിൽ എത്തുന്നത്. ജിതിൻ ലാല് സംവിധാനം ചെയ്യുന്ന ചിത്രം മൂന്ന് കാലഘട്ടങ്ങളിലൂടെ സഞ്ചരിക്കുന്ന ഒരു പിരിയോഡിക്കൽ എന്റർടെയ്നറാണ്. സുജിത് നമ്പ്യാര് ആണ് കഥ തിരക്കഥ സംഭാഷണം രചിച്ചിരിക്കുന്നത്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
