മകളുടെ നേട്ടത്തിൽ സന്തോഷം പങ്കുവെച്ച് ആശ ശരത് / ചിത്രം ഇൻസ്റ്റാഗ്രാം

'എന്റെ കൊച്ചു പങ്കു... നിന്നെയോർത്ത് അഭിമാനം മാത്രം', മകളുടെ നേട്ടത്തിൽ സന്തോഷം പങ്കുവെച്ച് ആശ ശരത്

2021ലെ മിസ്സ് കേരള റണ്ണർ അപ്പ് കൂടിയായ ഉത്തര അമ്മയ്‌ക്കൊപ്പം നൃത്ത വേദികളിലും സജീവമാണ്.

Published on:

01 Feb 2023, 5:13 am

മകൾ ഉത്തരയുടെ നേട്ടത്തിൽ സന്തോഷം പങ്കുവെച്ച് നടി ആശ ശരത്. 'എന്റെ കൊച്ചു പങ്കു യുകെയിലെ വാർവിക്ക് യൂണിവേഴ്‌സിറ്റിയിൽ നിന്ന് ബിസിനസ് അനലിറ്റിക്‌സിൽ ബിരുദാനന്തര ബിരുദം നേടിയതു കണ്ടപ്പോൾ ഞാൻ സന്തോഷത്താൽ മതിമറന്നു. എപ്പോഴും ഓർക്കുക, നീ വിശ്വസിക്കുന്നതിനേക്കാൾ ധീരയാണ് നീ, വിചാരിച്ചതിനേക്കാൾ ശക്തയും, മിടുക്കിയുമാണ്. നീ അറിയുന്നതിലും കൂടുതൽ
സ്നേഹിക്കപ്പെടുന്നവളുമാണ് നീ. ഞങ്ങൾ നിന്നെ സ്നേഹിക്കുന്നു' ആശ ശരത് ഇൻസ്റ്റാഗ്രാമിൽ പോസ്റ്റ് ചെയ്ത ഈ കുറിപ്പിന് താഴെ നിരവധിയാളുടെ ഉത്തരയ്ക്ക് അഭിനന്ദനമറിയിച്ച് എത്തി.

നടി ആശ ശരത്തിന്റെ മൂത്ത മകളാണ് ഉത്തര. എൻജിനീയറിങ്ങിൽ ബിരുദം നേടിയ ശേഷം ബിസിനസ്സ് അനലറ്റിക്സിൽ മാസ്റ്റർ ഡിഗ്രി എടുത്തിരുന്നു ഉത്തര. 2021ലെ മിസ്സ് കേരള റണ്ണർ അപ്പ് കൂടിയായ ഉത്തര അമ്മയ്‌ക്കൊപ്പം നൃത്ത വേദികളിലും സജീവമാണ്. മനോജ് കാന സംവിധാനം ചെയ്യുന്ന ഖെദ്ദ എന്ന ചിത്രത്തിലൂടെ വെള്ളിത്തിരയിലും ഉത്തര അരങ്ങേറ്റം കുറിച്ചു. കഴിഞ്ഞ ഒക്ടോബറിൽ ഉത്തരയുടെ വിവാഹനിശ്ചയമായിരുന്നു. ആദിത്യയാണ് വരൻ. മാർച്ച് 18നാണ് ഇരുവരുടെയും വിവാഹം.