നടി ദിവ്യാ ഉണ്ണിയുടെ അച്ഛൻ ഉണ്ണികൃഷ്ണൻ അന്തരിച്ചു

കൊച്ചി; നടി ദിവ്യ ഉണ്ണിയുടെ അച്ഛൻ പൊന്നേത്ത് മഠത്തിൽ ഉണ്ണികൃഷ്ണൻ അന്തരിച്ചു. വ്യാഴാഴ്ച രാവിലെ ഹൃദയാഘാതത്തെ തുടർന്ന് പൊന്നേത്ത് മഠത്തിൽ വച്ചായിരുന്നു അന്ത്യം. ഉമാ ദേവിയാണ് ഭാര്യ. ദിവ്യാ ഉണ്ണി, വിദ്യാ ഉണ്ണി എന്നിവർ മക്കളാണ്. മരുമക്കൾ: അരുൺകുമാർ, സഞ്ജയ്. പൊന്നേത്ത് അമ്പലം ട്രസ്റ്റി ആയിരുന്നു ഉണ്ണികൃഷ്ണൻ. 

90കളിൽ മലയാള സിനിമയിൽ നിറഞ്ഞു നിന്നിരുന്ന നടിയാണ് ദിവ്യാ ഉണ്ണി. വിനയന്റെ ‘കല്യാണസൗഗന്ധികം’ എന്ന ചിത്രത്തിലൂടെയാണ്​ നായികയായി അരങ്ങേറ്റം കുറിച്ചത്. തുടർന്ന് നിരവധി സൂപ്പർഹിറ്റ് സിനിമകളിൽ അഭിനയിച്ചു. വിവാഹശേഷം സിനിമയിൽ നിന്ന് വിട്ടു നിൽക്കുകയാണ് താരം. അഭിനയത്തിന് ഇടവേള നൽകിയെങ്കിലും നൃത്ത രം​ഗത്ത് ഇപ്പോഴും സജീവമാണ്. താരത്തിന്റെ സഹോദരി വിദ്യയും അഭിനേത്രിയാണ്.