ലൂക്കയ്ക്കൊപ്പം ആദ്യ വിവാഹവാർഷികം; ആഘോഷമാക്കി മിയയും അശ്വിനും, വിഡിയോ

ഒന്നാം വിവാഹവാർഷികം ആഘോഷിച്ചിരിക്കുകയാണ് നടി മിയയും ഭർത്താവ് അശ്വിനും. മകൻ ലൂക്കയ്ക്കൊപ്പമായിരുന്നു ഇരുവരുടെയും ആഘോഷം. കേക്ക് മുറിച്ച് പരസ്പരം പങ്കിടുന്നതിന്റെ വിഡിയോ മിയ ആരാധകരുമായി പങ്കുവച്ചു. കുഞ്ഞ് ലൂക്കയും വിഡിയോയിലുണ്ട്. 

2020 സെപ്റ്റംബർ 12നായിരുന്നു മിയയും ബിസിനസ്സുകാരനായ അശ്വിനും തമ്മിലുള്ള വിവാഹം. റെഡ് വൈൻ, അനാർക്കലി, മെമ്മറീസ്, വിശുദ്ധൻ, പാവാട, ബോബി, പട്ടാഭിരാമൻ, ബ്രദേഴ്‌സ് ഡേ, അൽമല്ലു, തുടങ്ങിയ നിരവധി മലയാള സിനിമകളിലും തെലുങ്കിലും താരം അഭിനയിച്ചിട്ടുണ്ട്.പൃഥ്വിരാജ് നായകനായ ഡ്രൈവിങ് ലൈസൻസ്‌ ആണ് മിയയുടെ ഏറ്റവും ഒടുവിൽ റിലീസായ സിനിമ. വിവാഹശേഷം അഭിനയജീവിതത്തിൽ നിന്നും താൽക്കാലികമായി ഒരു ബ്രേക്ക് എടുത്തിരിക്കുകയായിരുന്നു മിയ.