ലൂസിഫർ തെലുങ്ക് പതിപ്പിന്റെ പ്രീ പ്രൊഡക്‌ഷൻ ചിത്രങ്ങൾ പുറത്തുവിട്ടു അണിയറ പ്രവർത്തകർ. ചിത്രം ഉപേക്ഷിച്ചെന്ന വ്യാജ വാർത്തകൾ പ്രചരിക്കുന്നതിനിടെയാണ് സിനിമയുടെ മ്യൂസിക് പ്രൊഡക്‌ഷൻ പുരോഗമിക്കുകയാണെന്നറിയിച്ച് സംവിധായകൻ മോഹൻരാജ(ജയം രാജ) ചിത്രങ്ങൾ പങ്കുവച്ചിരിക്കുന്നത്. 'ചിരു 153' ആയാണ് ലൂസിഫർ തെലുങ്കിൽ ഒരുങ്ങുന്നത്.
ലൂസിഫർ മലയാളം ഭാഗത്തിൽ നിന്ന് വ്യത്യസ്തമായാണ് തെലുങ്കിൽ ചിത്രം ഒരുങ്ങുന്നത്. മോഹൻലാൽ അവതരിപ്പിച്ച സ്റ്റീഫൻ നെടുമ്പള്ളിയായി ചിരഞ്ജീവി എത്തുമ്പോൾ കഥാപാത്രത്തിന്റെ ഭൂതകാലം മലയാളത്തിൽ നിന്ന് ഏറെ മാറ്റമുള്ളതാണെന്നാണ് റിപ്പോർട്ടുകൾ. നായകകഥാപാത്രത്തിന്റെ പ്രണയിനിയായി നയൻതാരയും സിനിമയിലുണ്ടാകും. മലയാളത്തിൽ ചിത്രമൊരു മാസ് പൊളിറ്റിക്കൽ ത്രില്ലറായിരുന്നെങ്കിൽ തെലുങ്കിൽ റൊമാന്റിക് ട്രാക്കിലൂടെയും സ്റ്റീഫൻ സഞ്ചരിക്കും.
ചിത്രത്തിന്റെ തിരക്കഥയിൽ ചിരഞ്ജീവി തൃപ്തനല്ലാത്തതിനാൽ റീമേക്ക് ഉപേക്ഷിക്കുന്നതായി തെലുങ്ക് മാധ്യമങ്ങൾ റിപ്പോർട്ട് ചെയ്തിരുന്നു. ഇതിനുപിന്നാലെയാണ് സിനിമയുടെ പുതിയ വിശേഷങ്ങൾ പുറത്തുവിട്ടിരിക്കുന്നത്. മെഗാസ്റ്റാറിനോടുള്ള സ്‌നേഹം പ്രകടമാക്കുന്ന സൂപ്പർ ഹൈ മ്യൂസിക് ആയിരിക്കും സിനിമയിലേതെന്ന് മോഹൻരാജ അറിയിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
