നൊസ്റ്റാൾജിയ തലയ്ക്കുപിടിച്ച് നസ്രിയയുടെ ക്യൂട്ട് ഡാൻസ്, ഒപ്പം അൽഫോൻസ് പുത്രന്റെ ഭാര്യയും; വിഡിയോ വൈറൽ 

നടി നസ്രിയ ഫഹദ് തന്റെ സോഷ്യൽ മീഡിയ പേജുകളിൽ പങ്കുവച്ച വിഡിയോയാണ് ആരാധകർ ഏറ്റെടുത്തിരിക്കുന്നത്. തൊണ്ണൂറുകളിലെ ഹിറ്റി ഹിന്ദി ​ഗാനത്തിനൊപ്പം ചുവടുവയ്ക്കുന്ന നസ്രിയയെയാണ് വിഡിയോയിൽ കാണുക. കൂടെ ഉറ്റ സുഹൃത്ത് അലീനയുമുണ്ട്. 

സംവിധായകൻ അൽഫോൻസ് പുത്രന്റെ ഭാര്യയാണ് അലീന. 'എന്നെന്നും 90കളിലെ കുട്ടികൾ' എന്നെഴുതിയാണ് നസ്രിയ വിഡിയോ പങ്കുവച്ചിരിക്കുന്നത്. സെൽഫീസ് ടു റീൽസ് എന്ന ഹാഷ്ടാ​ഗും വിഡിയോയ്ക്കൊപ്പം ചേർത്തിട്ടുണ്ട്. മൈ ഡാൻസിങ് ക്വീൻ എന്നാണ് അലീനയെ നസ്രിയ വിശേഷിപ്പിക്കുന്നത്. 

അലീനയ്ക്കൊപ്പമുള്ള ചിത്രങ്ങൾ മുമ്പും നസ്രിയ പങ്കുവച്ചിട്ടുണ്ട്.ഇരുവരും ഓരേ തരത്തിലുള്ള വേഷം ധരിച്ചുള്ള ചിത്രങ്ങൾ ഏറെ ശ്രദ്ധനേടിയിരുന്നു.