പ്രേമം എന്ന ഒറ്റ സിനിമയിലൂടെ മലയാളികളുടെ മനസ്സില്‍ ഇടംനേടിയ നടിയാണ് സായി പല്ലവി. ഇപ്പോള്‍ തെന്നിന്ത്യന്‍ സിനിമയിലെ തന്നെ ഏറ്റവും പ്രിയപ്പെട്ട നായികാനടിയാണ് സായി. സോഷ്യല്‍ മീഡിയയിലും ഏറെ ആരാധകരുള്ള താരം ഫേസ്ബുക്കില്‍ പങ്കുവച്ച പുതിയ ചിത്രങ്ങള്‍ ഏറ്റെടുത്തിരിക്കുകയാണ് ആരാധകരിപ്പോള്‍.
"കാന്‍ഡിഡ് ചിത്രങ്ങള്‍ എന്നെ നിരാശപ്പെടുത്താന്‍ തീരുമാനിച്ചപ്പോള്‍" എന്നുകുറിച്ച് എട്ടോളം ഫോട്ടോകളാണ് നടി പങ്കുവച്ചത്. ഓരോ ചിത്രത്തിലും പല മുഖഭാവങ്ങളാണ് താരത്തിന്. പലപ്പോഴും കാമറയിലേക്ക് നോട്ടം പോലുമില്ല. "എങ്കിലും താന്‍ ഈ ചിത്രങ്ങള്‍ ഇഷ്ടപ്പെടുന്നു" എന്നാണ് ചിത്രങ്ങള്‍ക്കൊപ്പം സായി കുറിച്ചിരിക്കുന്നത്.
ചിത്രങ്ങള്‍ കണ്ട് 'ക്യൂട്ട്' എന്നാണ് ആരാധകര്‍ കുറിച്ചിരിക്കുന്ന കമന്റ്. സായിയുടെ എക്‌സ്പ്രഷന്‍ ഇഷ്ടപ്പെട്ടെന്നും കമന്റില്‍ വായിക്കാം. സായിക്കൊപ്പം സഹോദരി പൂജയെയും ചിത്രങ്ങളില്‍ കാണാന്‍ കഴിയും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
