‘ജോർജുകുട്ടിയുടെ വക്കീൽ’ ഇനി വിജയ്‌ക്കൊപ്പം; ‘ലിയോ സെറ്റിൽ’ ശാന്തി 

ദൃശ്യം 2ൽ വക്കീലായി തിളങ്ങിയ ശാന്തി മായാദേവി ഇനി ദളപതി വിജയ്‌ക്കൊപ്പം. ലോകേഷ് കനകരാജ് സംവിധാനം ചെയ്യുന്ന വിജയ് ചിത്രം ലിയോയിൽ ആണ് ശാന്തി അഭിനയിക്കുന്നത്. ലോകേഷിനൊപ്പമുള്ള് ചിത്രം പങ്കുവച്ച് ‘ലിയോ സെറ്റിൽ’ എന്ന് കുറിച്ച് നടി തന്നെയാണ് ഇക്കാര്യം അറിയിച്ചത്.  
‌
ദൃശ്യം 2വിൽ മോഹൻലാൽ അവതരിപ്പിച്ച ജോർജുകുട്ടിയുടെ വക്കീലായി ശാന്തി അവതരിപ്പിച്ച കഥാപാത്രം ഏറെ ശ്രദ്ധിക്കപ്പെട്ടിരുന്നു. ജീവിതത്തിലും വക്കീലാണ് ശാന്തി. ദൃശ്യത്തിന് പിന്നാലെ മോഹൻലാൽ - ജിത്തു ജോസഫ് കൂട്ടുകെട്ടിൽ പിറന്ന് റാം എന്ന ചിത്രത്തിലും നടി അഭിനയിച്ചിട്ടുണ്ട്. 

ഞ്ജയ് ദത്ത്, അർജുൻ, പ്രിയ ആനന്ദ്, മിഷ്‌കിൻ, മൺസൂർ അലി ഖാൻ തുടങ്ങിയ താരങ്ങൾ അണിനിരക്കുന്ന ലിയോയിൽ ബാബു ആൻറണി, മാത്യു എന്നീ മലയാള താരങ്ങളും അഭിനയിക്കുന്നുണ്ട്. കമൽഹാസനെ നായകനാക്കി ഒരുക്കിയ വിക്രത്തിന് ശേഷം ലോകേഷ് കനകരാജ് ഒരുക്കുന്ന ചിത്രമാണ് ലിയോ. സെവൻ സ്‌ക്രീൻ സ്റ്റുഡിയോസിൻറെ ബാനറിൽ എസ് എസ് ലളിത് കുമാർ നിർമ്മിക്കുന്ന ചിത്രം സെപ്റ്റംബർ 19ന് തിയറ്ററുകളിലെത്തും. 

ഈ വാർത്ത കൂടി വായിക്കൂ

"എന്റെ പേരിലുള്ള ട്വിറ്റർ അക്കൗണ്ട് എന്റേതല്ല, കൈകാര്യം ചെയ്യുന്നത് മറ്റൊരാൾ": വിനീത് ശ്രീനിവാസൻ 

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ

‌