പുഴയിൽ നീന്തിക്കഴിഞ്ഞ് മേക്കപ്പില്ലാതെ പകർത്തിയത്; ചിത്രങ്ങൾ പങ്കുവച്ച് ശ്രിയ ശരൺ 

യാത്രയ്ക്കിടെ കൂട്ടുകാരി പകർത്തിയ ചിത്രങ്ങൾ ഇൻസ്റ്റഗ്രാമിൽ ഷെയർ ചെയ്തിരിക്കുകയാണ് നടി ശ്രിയ ശരൺ. പുഴയിൽ നീന്തിക്കയറിയ മേക്കപ്പില്ലാത്ത ലുക്ക് എന്നാണ് ചിത്രത്തേക്കുറിച്ച് ശ്രിയ പറയുന്നത്. 

ഭർത്താവ് ആൻഡ്രേയ് കൊഷ്ചീവിനൊപ്പം ബാഴ്സലോണയിലാണ് ശ്രിയ ഇപ്പോൾ. 2018ലാണ് ശ്രിയ റഷ്യക്കാരനായ ആൻഡ്രേയ് കൊഷ്ചീവിനെ വിവാഹം ചെയ്തത്. തമിഴ്, തെലുങ്ക്, ഹിന്ദി സിനിമകളിൽ കൂടുതൽ അഭിനയിച്ചിട്ടുള്ള താരം മലയാളത്തിൽ പൃഥ്വിരാജിന്റെ നായികയായി ‘പോക്കിരിരാജ’യിൽ ശ്രദ്ധനേടിയിരുന്നു നടി. എസ് എസ് രാജമൗലിയുടെ ‘ആർആർആർ’ സിനിമയിൽ അതിഥി താരമായി ശ്രിയ എത്തുന്നെന്ന് റിപ്പോർട്ടുകളുണ്ട്.