മഞ്‌ജുവിന്റെ ലുക്കിൽ സൗപർണിക, തിരിച്ചറിയാൻ കഴിയുന്നില്ലെന്ന് ആരാധകർ, വൈറൽ ഫോട്ടോഷൂട്ട്

നിലമ്പൂർ ആയിഷയുടെ ജീവിതകഥ പറയുന്ന മഞ്ജു വാര്യർ ചിത്രം 'ആയിഷ' മികച്ച പ്രേക്ഷക പ്രശംസ നേടി തീയേറ്ററുകളിൽ പ്രദർശനം തുടരുകയാണ്. ചിത്രത്തിലെ മ‍ഞ്‌ജുവിന്റെ മേക്കോവറും വസ്‌ത്രധാരണവും ഏറെ ശ്രദ്ധനേടിയിരുന്നു. അതേ മേക്കോവർ പുനരാവിഷ്കരിച്ചിരിക്കുകയാണ് പ്രശസ്‌ത സീരിയൽ താരം സൗപർണിക സുഭാഷ്. താരത്തിന്റെ മേക്കോവർ ഫോട്ടോഷൂട്ട് സമൂഹമാധ്യമങ്ങളിൽ ഇപ്പോൾ വൈറലാണ്. ചിത്രത്തിൽ മഞ്ജുവിന്റെ രണ്ട് ലുക്കുകളിലാണ് താരം പ്രത്യക്ഷപ്പെടുന്നത്.

ചിത്രത്തിൽ പ്രഭുദേവ നൃത്തസംവിധാനം ചെയ്‌ത കണ്ണില് കണ്ണില് ... എന്ന ​ഗാനത്തിലെ മഞ്ജുവിന്റെ ലുക്കാണ് ഒന്ന്. കേളി ഹെയർ സ്റ്റൈലിൽ ലുക്കിൽ ചു‌വന്ന ലോങ് സ്ലീവ് ടോപ്പും കളർഫുൾ ഫ്രിൽ സ്‌കർട്ടുമാണ് വേഷം.​ ഗ്രേ ടോപ്പും നീല ഉടുപ്പും ചേർന്ന മെയ്‌ഡ് ലുക്കാണ് രണ്ടാമത്തേത്. മേക്കപ്പ് ആർട്ടിസ്റ്റ് രേഷ്‌മ ഷിബുവാണ് ഫോട്ടോഷൂട്ടിന് പിന്നിൽ.

ഇൻസ്റ്റാ​ഗ്രാമിൽ പോസ്റ്റ് ചെയ്ത ചിത്രങ്ങൾ ആരാധകർ ഏറ്റെടുത്തു. രൂപത്തിലും ഭാവത്തിലും ശരിക്കും മഞ്ജു വാര്യരെ പോലെ തന്നെയുണ്ടെന്നാണ് ആരാധകരുടെ കമന്റുകൾ. സോന വെഡ്ഡിങ് കമ്പനിയാണ് ചിത്രങ്ങൾ പകർത്തിയത്. മലയാള സീരിയൽ രം​ഗത്ത് സജീവമാണ് സൗപർണിക സുഭാഷ്. താരത്തിന്റെ ഫാഷൻ ഫോട്ടോഷൂട്ടുകൾ നേരത്തെയും വൈറലായിട്ടുണ്ട്.

ഈ വാര്‍ത്ത കൂടി വായിക്കൂ 

'മുറിപ്പെടുത്തിയെങ്കില്‍ ക്ഷമ ചോദിക്കുന്നു'; ഡബ്ല്യുസിസിയെ തള്ളിപ്പറയാനല്ല ശ്രമിച്ചത്: ഇന്ദ്രന്‍സ്

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ