ഉർവശി അന്നേ സൂപ്പർസ്റ്റാർ, മുർച്ഛയേറിയ വാക്കുകളുമായി 28 വർഷം പഴയ അഭിമുഖം; വിഡിയോ 

സുധ കൊങ്കാര സംവിധാനം ചെയ്ത നടൻ സൂര്യയുടെ ഏ​റ്റവും പുതിയ ചിത്രം സുരരൈ പോട്ര് പ്രേക്ഷകർ ഏറ്റെടുത്തുകഴി‍ഞ്ഞു. സൂര്യയും നായിക അപർണ ബാലമുരളിയും കൈയടി നേടുന്നതിനൊപ്പം മലയാളികളുടെ എക്കാലത്തെയും പ്രിയനടി ഉർവശിയുടെ പ്രകടനവും ഏറെ പ്രശംസ നേടിക്കഴിഞ്ഞു. യഥാർത്ഥ സൂപ്പർസ്റ്റാർ എന്ന വിശേഷണം ഉർവശിക്ക് ചാർത്തികൊടുത്തിരിക്കുകയാണ് പ്രേക്ഷകർ. 

പഴകുംതോറും വീര്യം കുടുന്ന വീഞ്ഞ് പോലെയാണ് ഉർവശി എന്നാണ് സാമൂഹ മാധ്യമങ്ങളിൽ ആരാധകരുടെ വിശേഷണം. ഇപ്പോഴിതാ നടിയുടെ പഴയകാല അഭിമുഖമാണ് ചർച്ചയാകുന്നത്. സിനിമയോടുള്ള സമീപനത്തെക്കുറിച്ച് വ്യക്തമായ കാഴ്ചപാടുകകൾ പങ്കുവയ്ക്കുന്നുണ്ട് ഉർവശി ഈ അഭിമുഖത്തിൽ 1992ൽ ഗൾഫ് പരിപാടിക്കെത്തിയപ്പോൾ നൽകി അഭിമുഖമാണിത്. സിനിമയെ ​ഗൗരവമായി കണ്ടുതുടങ്ങുന്നതിനെക്കുറിച്ചും ഹാസ്യ വേഷങ്ങളോടുള്ള താത്പര്യത്തെക്കുറിച്ചും ഉർവശി അഭിമുഖത്തിൽ പറയുന്നുണ്ട്. മലപ്പുറം പന്താവൂർ സ്വദേശി മുഹമ്മദ് ഉണ്ണിയെന്ന ഏ.വി.എം ഉണ്ണിയാണ് അഭിമുഖം സംഘടിപ്പിച്ചത്.