ഐശ്വര്യ ലക്ഷ്മിയെ പ്രധാന കഥാപാത്രയി എത്തുന്ന അർച്ചന 31 നോട്ട് ഔട്ട് എന്ന സിനിമയുടെ ടീസർ പുറത്ത്. അർച്ചന എന്ന 28കാരിയായ പ്രൈമറി സ്കൂൾ ടീച്ചറുടെ വിവാഹത്തെ ആസ്പദമാക്കിയുള്ളതാണ് ചിത്രം. മഞ്ജു വാര്യർ, കുഞ്ചാക്കോ ബോബൻ , ദുൽഖർ സൽമാൻ എന്നിവരാണ് പോസ്റ്റർ പുറത്തുവിട്ടത്.
കല്യാണ ആലോചനയിൽ നിന്നാണ് ടീസറിന്റേയും തുടക്കം. 31 വിവാഹാലോചനകളിലൂടെ കടന്നുപോയ ഒരാളാണ് അര്‍ച്ചന. തുടര്‍ന്ന് അര്‍ച്ചനയുടെ ജീവിതത്തിലുണ്ടാകുന്ന സംഭവവികാസങ്ങളാണ് സിനിമ. പ്രൈമറി സ്‍കൂള്‍ അധ്യാപികയായിട്ടാണ് ചിത്രത്തില്‍ ഐശ്വര്യ ലക്ഷ്‍മി അഭിനയിക്കുന്നത്.
അഖില്‍ അനില്‍കുമാർ സംവിധാനം ചെയ്യുന്ന ചിത്രം മാർട്ടിൻ പ്രക്കാട്ട്, സിബി ചവര, രഞ്‍ജിത്ത് നായർ എന്നിവർ ചേർന്നാണ് നിർമിക്കുന്നത്. അജയ് വിജയന്‍, വിവേക് ചന്ദ്രന്‍ എന്നിവര്‍ക്കൊപ്പം അഖില്‍ അനില്‍കുമാറും ചേര്‍ന്നാണ് ചിത്രത്തിനായി തിരക്കഥ ഒരുക്കിയിരിക്കുന്നത്. രമേഷ് പിഷാരടി, ഇന്ദ്രൻസ് എന്നിവരും പ്രധാന വേഷത്തിലെത്തുന്നുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
