നടന്‍ അജിത് കുമാര്‍ ആശുപത്രിയില്‍; ആശങ്ക, തടിച്ചുകൂടി ആരാധകർ

തമിഴ് സൂപ്പർതാരം അജിത് കുമാറിനെ ആശുപത്രിയിൽ പ്രവേശിപ്പിച്ചതായി റിപ്പോർട്ട്. ചെന്നൈയിലെ അപ്പോളോ ആശുപത്രിയിലാണ് താരം ചികിത്സ തേടിയത്. റിപ്പോർട്ട് പുറത്തുവന്നതിനു പിന്നാലെ ആരാധകർ ആശങ്കയിലായി. തുടർന്ന് ആശുപത്രിക്ക് പുറത്ത് ആരാധകർ തടിച്ചുകൂടുകയായിരുന്നു.

എന്നാൽ ആശങ്കപ്പെടാനില്ലെന്നും പതിവു പരിശോധനകളുടെ ഭാഗമാണെന്നും താരത്തിന്റെ മാനേജര്‍ സുരേഷ് ചന്ദ്ര വ്യക്തമാക്കി. വിദേശ രാജ്യത്തേക്ക് യാത്രപോകുന്നതിനു മുന്‍പായി മെഡിക്കല്‍ ചെക്കപ്പ് നടത്തേണ്ടത് നിര്‍ബന്ധമാണ്. ഇത്തവണയും താരം പരിശോധന നടത്തി. അജിത് പലപ്പോഴും ഇത് ചെയ്യാറുള്ളതാണ് അന്നൊന്നും ഇത്ര വലിയ വാര്‍ത്തയാകാറില്ല. ഇത്തവണ വലിയ രീതിയില്‍ വാര്‍ത്തയായി. - താരത്തിന്റെ അടുത്തവൃത്തങ്ങള്‍ മാധ്യമങ്ങളോട് പറഞ്ഞു.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

പുതിയ ചിത്രം വിടാമുയര്‍ച്ചിയുടെ ഷൂട്ടിങ് തിരക്കിലാണ് താരമിപ്പോള്‍. മഗിഴ് തിരുമേനി സംവിധാനം ചെയ്യുന്ന ചിത്രത്തിന്റെ ഷൂട്ടിങ് അസര്‍ബൈജാനിലായിരുന്നു. ഒക്‌റ്റോബറില്‍ തുടങ്ങിയ ഷൂട്ടിങ് അവസാന ഘട്ടത്തിലാണ്. ചിത്രം മെയില്‍ റിലീസ് ചെയ്യും.